Advertisement ad1

Jowai: Kam chi bynta i lehkmen College Week iong ka Kiang Nangbah College, ynne ka sngi da em ka iakop bha chynrang miat kynthai nae ka iakop Prince and Princess Kiang Nangbah 2015.

Kani ka iakop da man ko kawa yoo chongkun chongkhia heiwa ki khynnah kiwa lai purae ha katai ka College da wan sakhi ki deiwa wan pynchlur wan e mynsien ki ia ki nong chimbynta.

Advertisement ad1

Ha kani ka iakop da leh soo kylla,  ka kylla wa nyngkong da pynyoo yei riam tynre (traditional), ka kylla wa ar da riam ki kamwa jooh riam man ka sngi (casual), ka kylla wa le dai riambha kyrpang (formal) katwa ha ka kylla wa soo da em I bynta wow kylli jingkylli ia waroh ki nong iachim bynta.

Ha kani ka iakop ki nongbichar da yoo bit yoo biang ki u jied ia u Wanbantei Biam B.A 2nd year kam u nongjop ia ka nam Prince. Da wan wa ar da u Player Sana B.sc 3rd year, u wa wan wa le won u Jesse Dkhar B.A 2nd year.

Ia ka nam Princess da jop da ka Iwahun Patwet B.A 2nd year. Ia ka nam wa ar da ioh ka Lakhi Passah B.A 1st year, kawa wan wa le won ka Lammika Kma B.A 1st year.

Ki nongbichar da em ki kamwa le ngut, kitea toh u V. Langwa, ka V. Syiem waka I. Passah.

Ki nongpyllai ia ka iakop da em ki ar ngut, ka Wandalan Dkhar wa u Garness Najiar.

Da em leh i pynyoo riam ki iong u Samha oo Najiar da ki model iong kani hi ka college.

Ki nongpynyoo pynkdaw(choreography) ia ki nong iachim bynta toh da leh da u Sanwan Najiar, U Garness Najiar, ka Dakaru Najiar waka Wandalan Dkhar.

Yow pynchongchit chooh chooh ia kani ka sngi, da em leh ki nongrwai kiwa na kani hi ka  jooh ka college.

Share this:
Share on Facebook0Tweet about this on TwitterGoogle+0
Advertisement ad1