Advertisement ad1

Jowai: Ynne i janmiet kam chibynta ka lehniam Behdieñkhlam hadien wa da pynhiar ya ki rot wa ki Khong ha Aitnar, da pyndep won sa ya ka Datlawakor, ha sarok nadooh Mynthong hadooh Madan Siatthong (Phrang Gate ka Yungkrehkaam u DC).

Kani ka Datlawakor, da yaleh hapyrdi ka dhab u Langdoh uwa yahkhmat ya ka Pynthor Wah wa ka dhab u Sangot Paswet uwa yah ya ka Pynyhor Neiñ.

Ynne ka janmiet ka Datlawakor da man ko sakhiat ka wow sahkynmoo heiwa pynar liang da yaleh ki wow poi cha ka thong.

Hapyrdi i yaleh ka Lawakor da haap ko cha Nan Kasari, wei hadien wa chim ya ka na nan da ngam won ko ha kawi ka dooid wa mih na kani ka nan.

Hawa kut ka yaleh ka Pynthor Wah wa yahkhmat da u Langdoh da pynpoi ki ya ka Lawakor chaphang yong ki heiwa da rai jop leh ya ki.

Kani ka yakhun man ko ka wow sahparom ym du neidaw wa neh ko hadooh 22 minit tam tangwa da ngam ko leh cha Nan Kasari tangwa da ngam ko leh ha ka dooid ka liar wa mih na kani ka nan.

Hawa kut ka Dhab u Langdoh uwa mihkhmat ya ka Pynthor Wah da man ko kawa jop, ini mut i wa u kba u khoo u miat cha Pynthor Wah.

Share this:
Share on Facebook0Tweet about this on TwitterGoogle+0
Advertisement ad1