Advertisement ad1

Jowai: Ka WJDSA ynne ka sngi da sam certificate ko cha ki 22 ngut kiwa kynthup ia kawi ka kynthai kawa wan cha kani ka e sikai wa 6 sngi kawa sdang naduh ka 17 tarik haduh ka 22 tarik uni u bnai. Kani ka e sikai toh da leh kat kam ki kyndon wa da booh da ka All India Football Federation (AIFF) ia ki bru wa emjingmut u man kam ki Coach ha ka ialehke phutbol.

Advertisement ad1

Ki nong chimwynta ha kani ka esikai da ioh ki jingsikai na u ma Khlaiñ Pyrkhat Syemlieh wa man leh u wa da ioh ia ka D-Licence ha ka coaching.

Kam ki kyndon wa da booh da ka AIFF kiwon kiwon ki bru wa juh man kam ki nongialehke phutbol, kiwa em ha ka met ka phad kawa biang wei wa tip ia ki aiñ ialehke phutbol ye ki u wan cha kani esikai ioh D-Licence.

Ki coach wa em ya kani ka D-Licence ye ki u man kam ki coach ia ki kynhun ialehke phutbol iong ki skur, ki college, ki kynhun iong ki district kamjuh ia ki kynhun wa chimwynta ha ki phutbol tournament kam ki Inter-city Championship wa kiwi kiwi.

Ha dein ka D-Licence ye ki u ialeh iow ioh saka C-Licence, ka B-Licence chadoh wa poi ki cha ka AFC Pro-Licence.

Ha ka ialang wa pynman hapoh ka ophis ka WJDSA, u ma Khlaiñ Pyrkhat Syiemlieh, da ong u haduh katni ym em uwi leh u D-Licence coach na ki distrik ka Jaiñtia Hills. Ka West Jaintia Hills khamtam da pynmih ko boon ki nong ialehke kiwa da mihkhmat cha kiwa boon ki team wa pawnam. Ong won u leh wa ha kini ki ar le  snem ym em de pynmih kani ka distrik ia ki nongialehke wa da pawkhmat. Ye u kylli i yi i daw wa man kamni? Toh hi ma ai wa ym em coach wow iahluti ia kini ki khynroo wa em mynsien ialeh bol.

Ong chuh chuh u wa i thmu ka AIFF u pynku ia ka ialehke phutbol hapoh ka ri toh nyngkongduh u esikai chwa ia ki coach.

Booh por u 6 snem ia kini ki 22 ngut ki coach thymme u pynmih ia ki nongialehke wa pawnam na kini ki distrik.

U ma Paul Synnah u wa man kam u kongsan ha kani ka sngi da kular u iarap ia uwon uwon u coach ha ka liang bai madan.

Na kini ki 22 ngut; 8 ngut toh kiwa wan na ka West Jaintia District Sports Association kini toh  u Masan War, u Deiwomsade Kyndait, u Marardameki Patwet, u Deovolente Tang, u Vernaroy Bamon, u Embhah Nongjngi, u Chanki Langbang wa u Alfred Sutnga.

4 ngut na ka East Jaintia Hills District Football Association kitea toh ka kong Batbitbha Bareh, u Premus Dkhar, u Present Bareh wa u Rimiki Sana.

3 ngut na ka Saipung Block Sports Association wa kynthup ia u Amos Dkhar, u Teibor Suja wa u Ngenthar Luapuia Darnei.

3 ngut na ka Laskein Block Area Sports Association deilang u Parabudkini Dkhar, u Khianmon Lamare wa u Dameihi Suchiang

4 ngut na ka  Amlarem Sub-divisional Sports Association kitea toh u Stelin Mukhim, u Shaplin Rangdong, u Ahjudikithmu Lamat wa u Army Mulad.

Share this:
Share on Facebook0Tweet about this on TwitterGoogle+0
Advertisement ad1