Jowai : Ki le seiñ wa kynthup ya ka EJNC-Central Council, JSM-Central Boday, HANM-East Jaintia hadien wa kut i por wa e ki ya ka ophis u Deputy Commissioner yow pynman eksaam biang sa chisien hadien wa mih i kynrum kynram ka result ka DSC ya ka post LDA-Cum-Typist da rai ki u pynman ya ka rah lama yong.

Ynne ka 27 tarik ki le seiñ da yachem ki wa u DC ka East Jaintia Hills District yow sñaiw ka rai wei da pyntip u wa ka DSC da dep pynman ki ya ka yalang ha ka 20 tarik uni u bnai wei da rai leh u phah ya kani ka kaam cha ki bor wa haneiñ.

Advertisement ad1

Da pyntip leh wa ka DSC ym ye de ko u pynman biang ya ka eksam ya kani ka post kreh næ u khut advertisement sa chisien.

Kamtæ ki le seiñ daw pynman ki ka yalang wa jhan ynne ka sngi ha khmat ka SBI Khliehriat West heipor 11 waje i step wei da rai leh u lai paidbah dei rah lama yong ha ka 29 tarik uni u bnai.

Ki daw kani ka lai paidbah toh wow pynman biang ya ka eksaam ya kani ka post deiwa khut advertisement biang sa chisein. Ki le seiñ leh ong ki wa ini i mih ki kynrum kynram pynyoo wa ki dkhot DSC hadooh u Chairman ym pu em man ki kiwa biang.

Ya kani ka post da em hadooh  50 ngut ki khynroo khyllood wa wan yaleh ya kani ka post.

Share this:
Share on Facebook0Tweet about this on TwitterGoogle+0
Advertisement ad1