Advertisement ad1

Jowai: Ynne ka sngi u myntri ka tnat Transport u HDR Lyngdoh da pyllait paidbah u ia 5 tylli ki kari (TATA Winger) hapoh ka skim Meghalaya Rural Public Transport Service dei thmu u iarap ia kiwa sah cha ki chnong nongkyndong wa duna kari kamai khamtam ki wa wan cha Jowai.

U HDR Lyngdoh ong u wa ka sorkar ithmu iong ka u wanrah ia kini ki kari kamai ymtoh u iarap ko du ia ki wa lai wa wan, kwah ko leh u elad ia ki Self Help Group wa kiwi ki seiñ u ioh lad ki u pynkrehkam ia kini ki kari ha ki kamai kamjooh i pyntoh pynbiang ia ki. Sniawsih u wa hadien wa boon sien khut tender ka sorkar duna bha kiwa wan cha khmat ha Jaintia Hills. Khuslai u wa daw dooh kiwa boon ia kani ka lad kawa ye ki u ioh myntoi bha khamtam ia kiwa pynlai ia kini ki kari. Da e nuksa wa ha Khliehriat ynnin ka sngi da ye ki u pyllait paidbah dooh artylli donhi neidaw wa ym em wa wan cha khmat u chimkti ia kini ki kari.

Advertisement ad1

Da khana chooh chooh u leh wa chwa u pynmih paidbah ia kani ka skim kari kamai nongkyndong da dep chna committee ha kawi pa kawi ka district yow chem ia ki kynhun kiwa em i thrang yow pynlai iaw ia kini ki kari kamai.

Ong u wa ka sorkar da dep thied ko 71 tylli kini ki kari dei thmu wa u iabhah markatjooh cha waroh ki district ka jylla. Cha Garo Hills ong u sniawkmen bha u ia i kloi ki paidbah niebhah ha Tura 20 ngut ki wa khih iongi dahi wa wan ialeh iow ioh lad u pynlai ia kini ki kari. Wei da e cha ki leh 20 tylli. Ong u wa ha Ampati 9 tylli ki kari da sdang kamai ki, cha kiwi ki thain ka Garo hills da em sa 6 tylli kini ki kari kamai nongkyndong.

Ia kini ki 5 tylli ki kari kamai nongkyndong wa da pyllait ynne ka sngi ha pachem ka District Library, Jowai da jied wa u kamai ki ha ki san tylli ki luti. Kitea toh na Dawki-Muktapur cha Jowai, Padu cha Jowai, Khanduli cha Jowai, Saphai- Garampani cha Jowai wa na Umsalait-Sahsniang cha Jowai.

Ong u leh wa lada dang em kiwa em jingmut u pynlai ia kini ki kari ye ki u lai iachem ia u DTO ki district u wow iarap ia ki u pyndep ia ki kam hei iatoh u chimti ia kini ki kari.

Kamwa man kattæ na ki 71 tylli ki kari da dep pyllait paidbah 43 tylli khlem kheiñ lang ia kini ki san tylli wa pyllait ynne ka sngi.

Ia ki paidbah wa yoo luti u pynemkam ia kini ki san tylli ki kari daw hap yang ki kattu kattni por neidaw wa ym pu em pyndep ka tnat Transport ia iwa emkam chwa u e kti ia kini ki kari cha ki seiñ ki wow pynlai iaw ia ki.

Share this:
Share on Facebook0Tweet about this on TwitterGoogle+0
Advertisement ad1