Advertisement ad1

Jowai: Ka Seiñ Kyntu Seiñ Raij-12 Dolloi ha kani ka 11 tarik da lai uiñ khaddooh ko wow lai pyndep ya ka niam thang ya u Kulam Nongrum, President ka Sengbah ki Nongshat Nongkheiñ, heiwa da wan na ki tnat seiñ waphær waphær wow lai uiñ khaddooh ya oo.

Iwa rap em burom chooh toh wa da wan synran leh da ki pulit ka Meghalaya wow pyllai bait ya kani ka lehniam neibhah wa da boon ware ki paidbah.

Advertisement ad1

“Tangwa iwa pynsñiawsih i kam ka seiñ kawa wan na ki thaiñ Pnar toh wow tip wa em ki bru na ka Dorbar Shnong Mylliem, (Hima Mylliem) kiwa pyrchah wei pyrchang ki wow khanglaad ya i lai thang emburom ya uni u President ka Sengbah ki Nongshat Nongkheiñ, kamwa jooh leh da ka Niam Khasi” da ong ka seiñ.

Da ong chooh chooh ko wa dei yarap ki bor district da yoh yada wei da lait nei mynsoo wei dei yarap ka Seng Khasi Mylliem, wa ka Sengbah ki Nongshat Nongkhein, da ye u pyndep yaka niam thang ya u Kulam Nongrum.

Kamtæ ka seiñ da beiñ joor ko yeiwa jia i wym sñiawsuk du neidaw wa em i sñiaw yaphær niam yong kitu ki bru ki wym em de itæ i tip bru tip blai.

Kani toh katkam ka khubor wa da phah da u  S. Sari Publicity Secretary ka Seiñ Kyntu Seiñ Raij – 12 Dolloi.

Share this:
Share on Facebook0Tweet about this on TwitterGoogle+0
Advertisement ad1