Advertisement ad1

Shillong: Ka Thma U Rangli-Juki (TUR) da beiñ joor ko ya ka Dorbah Shnong Madan Ingsyeim, Mylliem kiwa pyrchang u khang laad yei lai thang ya u tynde u Kulam Nongrum uwa man kam u President ka Sengbah ki Nongshad Nongkheiñ ha ka chong u ha Mylliem.

Advertisement ad1

Ya kani ka lehniam wa khaddooh ya u Nongrum da ye u pyndep du hadien wa wan ki bor district chirup wa ki pulit.

Ka TUR da ong ko leh wa ini wym em mynsien yaichah da kiwa boon ki Christan hapoh Mylliem da man ko leh ha katai ka sngi wa lai thang ya u Nongrum kam la laad ya ki wow klam beiñ ki ya kiwa dang ngait ya ka Niamtre Niam Khasi.

Ini waroh ymtoh iwa jia dang ini ha Mylliem wei da em ki kamwa 20 snem nachwa hadooh wa kiwa ngait ya ka Niam Khasi ym em laad de ki wei da tlep ki ya kiwa yap iwa pyrchah yeiwa ngait ka niam ki.

Wat hadien wa pyrchang u Lyngdoh u pynyoh thaw thang bru ya kiwa ngait Niam Khasi da chah mukotduma kylla ki. Hadooh wa ha u Naikhynde 2016 da wan kiwa boon wow tympra ya i thaw wa mut u thang bru.

Hadien wa kiwa ha yung ha sem u Nongrum chah kyntait ki wei wym e thaw ka Dorbar Shnong ya ki, ka Seng Khasi da e thaw ko ya ki ha i thaw yong ka wa tip kam i Ieng Seng.

Ka TUR ngait ko wa waroh em ki yei hok wow jied ya jar jiar ki niam wei ka pyrchah ko yei wym ye u pdiang yei hok ki paidbah wow bood ki ya ka niam wa kwah ki.

Emkaam leh wa ki Christan wa man kiwa heh paaid hapoh Meghalaya ym toh u man ki kam ki Hindutva kiwa yoobeiñ ya kiwa khian paaid wei emkaam ki u burom ya kiwi ki niam yow lait u mih ka sñiaw yapher jaitbru neibynta ka niam.

I leh ka Dorbar Shnong pynyoo ko leh yei leh bakla ya i bor ka dorbar wei emkaam ya ka VAB ka wym pait chilliang ya ki chynrang wa kynthai kamjooh leh ya ka niam yow lait kamni i kaam wow jia biang.

Share this:
Share on Facebook0Tweet about this on TwitterGoogle+0
Advertisement ad1