15 49.0138 8.38624 1 1 4000 1 http://wyrta.com 300

Beiñ ka NPYF ya ka MPYC wa dawa hiar chuki ya u Conrad wa u James Sangma

0 Comments

Jowai: Ka National People’s Youth Front (NPYF) da kylli ko yei thmu yong ka Meghalaya Pradesh Youth Congress (MPYC) wa dawa ko wow hiar chuki u montri rangbah, u Conrad Sangma wa u montri ka kaam pohyung ka jylla u James Sangma.

Ka NPYF hadien ka yalang yong ka ynne ka sngi da ong ko wa kini ki ar ngut ki montri da pynyoo ki yei chemphang yong ki wow leh yeiwa emkaam heiyatoh wa i awri wa mih ha ka jylla.

Advertisement ad1

Ki ye ki wow thooh ki laad ki luti wow wanrah biang yei chongsuk pynyoo i yei chemphang ka sorkar jylla wa katni.

Ka NPYF da ekhublei ko ya waroh nadooh ki seiñ saiñ hima, ki seiñbhalang, ki waheh chnong, heh niam wa kiwi kiwi kiwa da krehlang wa ka sorkar wow wanrah biang yei chongsuk.

Da pynkynmoo ko leh yeiwa jia ha u snem 2005 heiwa da dooh ya 9 tylli ki mynsien ha Williamnagar wa Tura iwa pynyoo yei tlot i rukom krehkaam yong ka sorkar.

Heiyatoh wa i kylli ka MPYC yei slah tympleh bordiñ, ka NPYF da kylli kylla ko wa la phra snem wa em ka Congress heibor, ymem won ye ko u pynbiang bordiñ ha waroh kawi ka jylla wei u montri ka tnat bordiñ wa katni da thooh u ki laad wow pynbiang bordiñ hapoh ka jylla hanlada dang du kattu katni bnai hi-eh em u ha ka chuki.

Chooh da ong ko wa ka MPYC wa i pyndam ya ka Internet Services ha ki mobile phone toh man i katkam wa leh ha kiwi tawon ki jylla.

Klam che ka jubab RTI heiyatoh wa ka poisa nei....

Previous

Da ki moo khang ka chnong Mawtap pyllun ya u s....

Next

0 Comments

Leave a Reply