15 49.0138 8.38624 1 1 4000 1 http://wyrta.com 300

Beiñ wei dawa u Hamlet wow kem ya kiwa pynmynsoo ya ka Agnes wa ka Amita

0 Comments
Advertisement ad1
Advertisement ad1

Shillong: U Montri ka sorkar jylla uwa man uwi kiwa kitkaam warim ka Khasi Student Union (KSU), u Hamletson Dohling da kyntu u ya ka chnat kaam pohyung ka jylla wow kem noh ya waroh kiwa emkti wow pynmynsoo ya ka President ka Civil Society Women’s Organisation(CSWO), ka Agnes Kharshiing wa kawa bood yong ka, ka Amita Sangma kawa da jia ha ka Shohshrieh, East Jaiñtia Hills District.

U Hamlet da lai pait u ya Agnes ynne i sngi wow tip yei man i long yong ka heh ka CSWO ha NEIGRIHMS.

Advertisement ad1
Advertisement ad1
Advertisement ad1

“Nga kyntu O ya ka aiñ wow kem ya ki bru wa emkti hei wow pynmynsoo ya ka kong Agnes,” da ong u Hamlet deiwa pynrap, “Kam kini i jia ymtoh de wow jia de i ha ki por wow wan, khamtam wa ki kynthai u chah pynmynsoo ki ha ki palat 30 ngut ki bru, iwa pynyoo yei hiar dor ki damok.”

U Hamlet da ong u wa ki seiñ kreh monsñiawbha wa ki seiñbhalang toh kiwa em bynta heiwow kyntu ya ka imlang sahlang, wei lada em kiwon kiwon ki wym sñiaw yahaap toh u pynbait dei yaklam sñiawthooh ym dei ya joo snaam.

Ka Agnes man ko kawi na kiwa kreh mon sñiawbha wa yakhun wa ka kaam tih mooyong ym ktah ko ya ka rymaw, wei u Montri ka kaam pynroi sor ka jylla da ong wa u Poipynhun Majaw, President warim ka Jaiñtia Youths’ Federation (JYF) leh man u uwi kam ka, uwa pyrchah yei tih mooyong kawa pynsih ya ka rymaw tangwa da chah dat chah bom u pyn ha uni hi u snem hadooh wa da khlaad u.

“Ka aiñ toh u pyndep ko ya ka kaamram wei toh u man ko i jooh ya waroh, ki pulit toh u pynsmat ki ya takit wei wow kem ya ki bru wa emkti wow pynmynsoo ya kawa kreh mon sñiawbha,” da ong u.

U Hamlet da ong u wa daw yaklam u wa u Montri Rangbah, u Conrad K Sangma kamjooh wa u Montri ka kaam pohyung ka jylla, u James K Sangma wow pyntikna wa kam ini i jia chah thombor ym jia de i chakhmat.

Chah siat bakla uwi heipor wa lai siat mrad

Previous

Wan wai u Banteidor Lyngdoh ya ka 10th Mawryng....

Next

0 Comments

Leave a Reply