Advertisement ad1

Jowai: Ka seiñ HYC (JHC) hapoh i yahkhmat yong u president yong ka u Damanleki Lathong, ki dkhot yong ka wa kynthup ya u Apdamehi Papiah wa u Willson Ymbon, da lai yachem ki ya u Comingone Ymbon heiwa da kyntu ya oo wow chimkhia u hajrong ki dawa wow yada ya ki ri tre.

Neiliang u Mewat-hi Suchiang uwa man u General Secretary ka Laskeiñ Block da ban joor u yei dawa ka seiñ wow pynkreh ya ka Residential Permit for Immigrants ha ka jylla neibhah wa em boon tylli ki thaw psiah wa ki thaw mih ha ka jylla.

Advertisement ad1

Da ong ki wa najrong yong ka ILP emkaam leh wow em ka Residential Permit (RP) hapoh ka jylla.

Ki tre yung kamjooh leh ki Hotel, Hostel, Guesthouse wa kiwi kiwi toh u yohbor ki na ka Sorkar ka wow booh leh ya ki kyndon krehkaam yong ki.

Hawa kyruiñ cha ka Work Permit ka aiñ Interstate Migrant Workman (Regulation of Employment and Conditions of Service (act of 1979) yong ka sorkar jylla wa ka aiñ Trading by Non-tribal Regulation Act yong ki ADC da klam ki hajrong ka phang Work Permit.

Ka Work Permit toh wa ki bru kiwa e khih ya kiwa mylla cha ki baar jylla khamtam kiwa wan na baar jylla, emkaam ki wow chim na ka Labour Department næ na ki DC, SDO (Civil) wa BDO chwa wow ye ki u pynkreh da kini ki bru. Tangwa ka seiñ da ong ko wa da chem ko wa kini ki aiñ man ki kiwa tlot wei emkaam wow pynkreh ya ki deiwa miat.

Neiliang u Comingone Ymbon leh da ngait u yeini wa ka sorkar da toh u chimkhia ko yeini i dawa ka seiñ.

Ka seiñ leh da dawa ko na waroh ki MLA ka Khasi-Jaiñtia wow chimkhia ko yeini da ong u Mewat-hi Suchiang, General Secretary HYC Laskeiñ Block

Share this:
Share on Facebook0Tweet about this on TwitterGoogle+0
Advertisement ad1