Advertisement ad1

Shillong: U Montri Rangbah ka jylla u Dr. Mukul M Sangma ynne ka sngi da li booh moo-yurim ya ka thaw sumaar wa em 50 tylli ki palong wa tip kam ka Maternity & Child Hospital ha Umniangbyrnai Parila, Umsning hei emlang ka montri i chait i khiah ka Roshan Warjri, u montri ka PHE, u Dr. Celestine Lyngdoh u Parliamentary Secretary, Tourism u Kennedy C Khyriem wa kiwi kiwi.

U Dr. Mukul hei klam yong oo da ong u kani toh u moomer wa emkaam bha hei yatoh waka tnat i chait i khiah.

Advertisement ad1

Da ong u leh wa ka jylla katni dang chem ko iwa boon i eh i khoo kamwa man kiwi ki jylla wow pait ya kiwa wan na ki chong wa ki manyung wa dooh wei ka sorkar dadep sdang ko boon ki kaam wow pynwiar noh ya ini.

Chooh chooh da ong u wa da em boon ki mynsien wa kordor wa da dooh neidaw wa sih ki sarok wei ya ini u kylla noh ki deiwa chna ya ki sarok wa neh slem kamjooh ki thaw sumaar wa biang. Kamtæ da ong u wa kani ka Hospital daw yarap ko yei dooh i mynsien ki khynnah heiwa ha kani ka thaiñ ini rap joor i.

Da kyntu u leh ya ki paidbah wow lai phah sylli ki ha ki Doctor heipor wa chait ki leh ym toh u yang hadooh wa kjut khamtam ya kiwa punkhon wa ki manbei.

Kani ka Maternity and Child Hospital toh kawa chondor T. 14 Klur heiwa T. 4.5 Klur toh kawa da dep pyllait wei i thaw wow chna ya ka toh heh i palat 4 Acre.

Ha kani ka sngi u Montri Rangbah da wai u leh ya ka Multi Facility Centre ka wow pynemkaam ya ka kam wow e sikai yoh khih, seiñ khih wa kiwi kiwi wei da yarap poisa T. 40 Lak da ka Department of Arts and Culture.

U sarok PWD uwa man u sarok chnong wa jrong 2 Km ya ka chnong Umniangbrynai wa dadep chna da wai paidbah ya oo da u Montri Rangbah wei da pynbna u leh wa daw chna sa 10 Km u sarok cha kiwi ki chnong wa em cha jan.

Share this:
Share on Facebook0Tweet about this on TwitterGoogle+0
Advertisement ad1