Advertisement ad1

Shillong: U Montri Rangbah ka jylla u Dr. Mukul M Sangma ynne ka sngi da booh u ya u mooyurim yong ka ‘Organic Tea Factory of Arsla Organic Tea Growers & Producers Cooperative Society Ltd’ ha ka yalang wa pynman ha ka Tea Development Centre, Umsning hei emlang u Chief Adviser, Government of Meghalaya, u Dr. D.D. Lapang uwa wan ynne ka sngi kam u symbood kongsan.

U Mukul hei klam yong oo da yaroh u ya ka Arsla wa yah luti ko ya kiwa boon hanlada boon ki chitom wa chem ki wow sdang ya kani ka kpær thung slacha. Da ong u leh wa ka jylla Meghalaya man sakhiat ko kawa da kyrkhu wei emkaam u tipmit i ya kini kini ki khyrkhu yow ye ka jylla u lai cha khmat.

Advertisement ad1

Da ong u leh wa i dih cha man ko kawa ha waroh hapoh ka jylla ym ye u im khlem em ko wei ka pyrthai katni da khyrngiat ko yei bha wa mih naka cha khamtam naka slacha wa tip kam ka ‘Organic Tea’ kawa rep khlem pynemkaam ya ki dawai dachin. Heijooh i por da ong u wa kani leh ye ko wow riñ ya kiwa wan uiñke sawari wow yoh ki u yoo dei khmat yong ki wa kammon wa pynmih ya kani ka slacha.

Kamtæ da kyntu ya ki tnat wa pait ya ini wow krehlang ki wa ki paidbah wei ka sorkar leh daw chna ko ki kyndon yow yarap ya kiwa pynmih slacha kamjooh leh ya u Coffee.

Share this:
Share on Facebook0Tweet about this on TwitterGoogle+0
Advertisement ad1