15 49.0138 8.38624 1 1 4000 1 http://wyrta.com 300

Cha u MR wa u CS thoh u Sajay Laloo yei wym mano ka sorkar wow yada ya ka Rymaw

0 Comments
Advertisement ad1

Jowai: U Sajay Laloo uwa yaleh mukotduma ha ka NGT wow yada ya ka wah Myntdu ynnin ka 16 tarik da thoh u cha u montri rangbah ka jylla wa cha u Chief Secretary ka jylla yow pynsñiaw chaphang kiwa boon ki kaam hapoh ka jylla wa ktah ya ki um ki wah kamjooh ya ka rymaw waroh kawi.

Ha u montri rangbah da ong u wa katni ki kaam wa toh u leh wow yada ya ka rymaw man ki kiwa da yoo kulmar tangwa i khang ka NGT wow tih mooyong da man ko kam ka kyrkhu ya kiwa boon kiwa maya ya ka rymaw kiwa da yoo hadooh katwon ye ki u yoh myntoi neiwa chim kabu yeiwa e ka rymaw deiwa pynemkaam ya ki khlem pynjæd pynpra ya ki.

Advertisement ad1
Advertisement ad1

Da ong u leh wa katni da em ki chnong kiwa da kamai poisa chiboon deiwa chong hi-eh ki ha ki chnong yong ki deiwa pdiang ya kiwa wan uiñke suwari.

Chooh chooh da ong u wa i wan hiar ki wa wan uiñke suwari cha West Jaiñtia Hills khamtam cha ki thaiñ Ri War da ku bha ki nadooh wa khang ya u mooyong khamtam ka chnong Shnongpdeng, Dawki waka Darrang.

Tangwa da ong u leh wa emkaam bha u chong bichaar biang ya ki Mining License wa da e ka sorkar cha kiwa boon ki bru ha ka thaiñ Nongtalang yow lait ka kaam uiñke wow wiar noh.

Da khana u leh wa ha ka sorkar wa rim da dep e buit u ha ka tnat PWD wow chimkhai ko wow chna ya ki dooid ki nala yow lait i jhep wow lai bait cha ki wah.

Da ong u leh wa da toh i por wow khang noh yei pynemkaam ya ki Plastic hapoh ka jylla.

Ha u Chief Secretary won da ong u wa ha kani ka 2 tarik heipor wa joor bha u slap ha chnong Jowai da chem yei boon wa tooid i jhep cha ka wah Myntdu iwa pynyoo waka sorkar ym em chimkhia ko wow pait yei rukom pyllai jhep cha ka wah Myntdu hanlada ka sorkar da pynmih ko boon ki hukum hei yatoh wa ini.

Da ong u leh wa ka bor District chirup waka tnat Forest ym em ye ki u pynsangeh ya ki kaam be-aiñ wa da jia ha ka wah Myntdu kam i tih moo tih chyiap naka wah Myntdu. Kamjooh leh ym em khang yei sait that sait kari wa i noh khyndaw cha kani ka wah iwa dang pteiñ hadooh katni.

Chooh chooh da ong u wa ka wah Myntdu toh kawa taan um wow saam um cha ka chnong Jowai wei ympu em slem i por wow yada ya kani ka wah.

Da ong u leh wa ha kiwi ki wah hapoh West Jaiñtia Hills kam ha ka wah Myntang wah Mynkhen dang pteiñ hi i toh moo pyn harood wah.

 

Advertisement ad1

Da ka Para 12 A (b) ka Sixth Schedule u pynkre....

Previous

Da ki No Overtaking Sign e sñiawbha ki ar seiñ....

Next

0 Comments

Leave a Reply