15 49.0138 8.38624 1 0 4000 1 https://wyrta.com 300 0
Advertisement ad1

Chadooh Assam hiar ki pulit ANTF, yoh kem palat chi kilo i drugs wa palat T.5 klur

0 Comments

Shillong: Ki pulit ka Anti Narcotics Task Force (ANTF) yong ka East Khasi Hills ha ka 2 tarik uni u bnai da yoh kem ki hadooh palat chi kilo u drug (Heroin) wa chongdor palat T.5 klur, wei da kem leh hadooh 10 ngut ki bru.

Hawa yaklam wa kiwa pathai khubor, ka Superintendent of Police, ka Claudia Lyngwa da ong ko hadien wa ki pulit da ye ki wow khang yei pynpoi ya i drugs na ki ar tylli ki sarokbah wa pynyabi wa ka jylla Manipur, ki pulit da yang kdong ki ha ka sarok Guwahati-Shillong neidaw wa yoh yutip ki wa ya uni u drug da sdang pynpoi cha Shillong lyngba uni u sarok.

Ka SP da ong ko wa ka thong ka chnat pulit toh wow tyngkheiñ ya u budloom kiwa khayi drug wa heh neibhah ym myntoi wow kem du ya kiwa dih wei ini i yoh kem ha kani ka kynti man i iwa heh dooh ha ini i yakhun ki pulit.

Neiliang u Sub Divisional Police Officer (SDPO) uwa pait ya ka ANTF, u Jagpal Singh Dhanoa da ong u wa hadien wa ki pulit da yoh yutip ki wa wan psiah i drug na Assam hadooh 40 synduk sabon da yang khap ki ha sarokbah wa em ka View Point ha Mawlai Mawiong wei da yoh ksoh ki ya uwi u bru wa suba ki wa tip pyrtuid kam u Alberto, tangwa heipor wa kynreh ya ka kari u ym em u yoh iwon iwon i drug.

Ki pulit da takit chooh chooh ki ya u Alberto wei da chem wa emyatoh u wa uwa khayi drug uwa da yah luti chadooh cha Guwahati wow kem ya u uwa khayi drug wa tip pyrtuid kam u Sashi uwa rieh ha yung yong u Abhi Das wei na kani ka yung da yoh 124 gram u Heroin.

Chooh chooh u Sashi da yah u leh ya ki pulit ha kawi ka Hotel wa sah kiwa khayi wow pynpoi ya u drug ha Guwahati heiwa da yoh wow kem sa le ngut ki bru wei hadien da yoh wow kem wa kawi ka bru wa da tip kam ka Gracy wei heipor wa kynreh ya ka kamra wa sah ko da yoh 694 gram u Heroin.

U SDPO da ong u wa hadien wa da poi ha Shillong, ha ka 3 tarik da pteiñ ki wow kynreh wei wow takit ya ki san ngut ki bru wei ki pulit da yoh ki sa 24 synduk sabon u Heroin wa khia 277 gram na kawi ka yung ha Laitkor wei na kini ki 40 synduk wa da wanrah da u Alberto wa ki pulit, ynne da pteiñ chooh chooh wei hadien wa kynreh da chem sa 15 synduk wa da pynpoi cha Shillong.

Uni u heh pulit da ong u leh wa ha ini i kynreh wa palat ar sngi ki pulit da yoh ki hadooh 1195 gram u drugs (Heroin) wa chong dor palat T.5 klur wei da kem leh hadooh 5 ngut ki bru kiwa man kiwa khayi. 

0 Comments

Leave a Reply