15 49.0138 8.38624 1 1 4000 1 http://wyrta.com 300 0

Chah beh kiwa thiah kjut na Ummulong CHC du neidaw wym em um

0 Comments

Jowai: Uwi u bru da ujor u cha ki ar tylli ki seiñbhalang kiwa kynthup ya ka All Jaiñtia Student Union (AJSU) CB wa ka All Jaiñtia Hills Social Welfare Organisation (AJHSWO), heiwa uni u bru wa tip kam u H. Suting uwa em le ngut ki khon wa thiah kjut ha ka Ummulong CHC, chirup wa kiwi kiwa thiah kjut da pynbaad u wa da chah beh u ha u Dr M. Lamare wa pait ya kani ka CHC.

Ini da jia i heipor 9:00 waje i miet ka 14-05-2019, heiwa kiwa chah sumaar najan chnong da mih ki ha kani ka miet katwa katwa u Suchiang wa ki khon kiwa na chnong Iongshiwiat kawa jngai na kani ka CHC, da mih ki ha ka sngi wa bood.

Hadien ini neiliang u Pilar Phawa uwa man kam u President ka AJSU wa u Ram Biam u President ka AJHSWO chirup wa ki dkhot wa u Suchiang wa uwi u khon yong oo da lai yachem ki ya u Dr. Lamare ynne ka sngi ha CHC Ummulong.

Neiliang uni u Doctor da ong u wa ym em beh u ya kiwa thiah kjut tangwa i daw hi toh wym em um kani ka CHC, katwa kamtæ kani ka CHC da sdang sma ko kamtæ da phah ya ki cha yung neibhah i rukom chitom ki bru ha kani ka sngi man i iwa biang lada mih ki leh wei wow pteiñ u dih du i dawai wa da e u bar u sah ki ha kani ka thaw.

Da pyntip u wa i daw wa ym em um toh neidaw wym em bordiñ, hawa kylli neiyi i daw wym em laad wow pynbiang um nawi hawa jia kamni, neiliang u Lamare chirup wa u Dr. Y. Sumer, da ong u wa ym em poisa namo Fund wow thied um nawi tawon.

Neiliang ki ar seiñ da beiñ ki yeini i leh wow beh ya kiwa thiah kjut deiwa kyntu leh ya ki bor wa pait ya kani ka thaw wow thooh ki laad wow chimkhia yeini.

Da ong ki leh wa lada jia wa kani ka CHC ymye ko wow pynbiang yeiwa emkaam tæ ym myntoi wow em ko ha kani ka thaw wow e chakri ya ki paidbah.

Advertisement ad1

0 Comments

Leave a Reply