Advertisement ad1

Jowai: Ka MNREGA ya kawa tip leh kam ka Scheme 100 sngi toh kawa pynyoh myntoi bha ya ki paidbah neibhah wa kani ka jooh ka scheme yarap ko ya ki paidbah ha kiwa boon ki liang, ym du hei yoh khih tangwa kiwi tawan ki jait kaam kam ki chna yingkieñ, chna sarok, ki luti lai kjat wa kiwi kiwi.

Kawi na kini ki kaam wa da leh lyngba kani ka Scheme toh ka wow yarap chna ya i yung wa kyrpang neibynta wow sa-ang dakha yong kawi ka Co-operative Society kawa em ha Umladthkur, West Jaiñtia Hills heiwa da kynjoh i lut hadooh kamwa T. 5.4 lak wei da booh leh ya ki tyndur wa kyrpang ya kawa tip leh kam ka COFISKI næ ka Community Fish Smoking Kiln kawa da chna da ka ICAR wa ka CIFT kawa da yah khmat da ka DRDA.

Advertisement ad1

Ya i lut wow chna ya kani ka yung da e yarap kamwa 25% na ka District Basin Development Unit katwa iwa tam won u pynlut na ka MNREGA heiwa 30% toh ka bai kreh katwa 70% won ka bai tiar.

Ini i chna ya kani ka yung sa-ang toh kawa kyrpang neibah wa ym jooh chah wow chna ya kam kini ki yung neibynta wow sa-ang dakha katkam ki kyndon ka MNREGA tangwa ka West Jaiñtia da yohbor kyrpang ko wow leh yeini na ka sorkar pyrdi lyngba ka Ministry of Rural Development neibhah kani ka sap sa-ang dakha man ko kawa kyrpang wa kawa phær dooh.

Hei yatoh wa ini, ka Ministry of Skill Development and Entrepreneurship da wan ki cha Umladthkur ha ka tayaw wa nyngkong u Naitung wow sylli ya i rukom sa-ang dakha wei da chem ki wa ka rukom sa-ang dakha ha kani ka chnong man i iwa miat bha neibhah wa da pynemkaam katni da ki tyndur katkam ka juk wa katni kamjooh leh ym pu em pynwiar ya i ki rukom sa-ang yongrim wei da pynkylla du deiwa booh ya u toskhana yow mih i tdem.

Da ong wa ha kawi ka tyndur COFISKI ye u sa-ang hadooh kamwa 48 kilo ki dakha heijooh i por, wei ki dakha wa mih na ki tyndur man ki kiwa bang wa kiwa miat bha u baam.

Ha ka 15 tarik u Naitung ka Ministry da khut ko ya u ADC ka West Jaiñtia, u DM Wallang wow ebatai u chaphang i rukom krehkaam ka sa-ang dakha wei kamjooh leh kammon ki bor District leh ki wow yarap kyntu ya kani ka kaam.

Hadien ini da jied ya ka West Jaiñtia wow man ka District wow mih ko ha ka Hunnarbaaz kawa man kawi na ki program wa pynmih ha u Channel DD National hajrong ka phang wow kyntu kynrong ya i sap wa em hapoh ka ri.

Da pyntip wa daw chna ya kam kini ki yung sa ar tylli, kawi neibynta ka Self Help Group wa em ha Umladthkur katwa kawi won ha Thangbuli.

Ka West Jaiñtia Hills leh ha u snem wa da dep da yoh khusnaam ko kam ka wi na ki district wa pynkreh bha dooh ya ka MGNREGA hapoh ka ri.

Also Read: Ka tyndur wow pynkhreh dakharang dei rukom wa thymme

Also Read: Daw pynkylla noh yei rukom syang Dakharang ha Umlathkur wa ha Thangbuli

Share this:
Share on Facebook0Tweet about this on TwitterGoogle+0
Advertisement ad1