Advertisement ad1

Umjalasiaw: Ynne ka sngi Ka KVK (Khrishi Vigyan Kendra) Jaintia Hills kawa da kyrchan poisa da ka Indian Council of Agriculture Research (ICAR), New Delhi hapoh ka peit iong ka Department of Agriculture Government of Meghalaya, da wai ko ia ka projek
kawa da tip kam ka National Innovations on Climate Resilient Agriculture (NICRA) ha ka chnong Umjalasiaw, West Jaintia Hills District. I thmu iong kani ka projek toh u pynkhreh wa u pynche ia ki nongrep ya i rukom rep ha kini ki por wa da kylla jur ka chit ka kjam ka mariang (Climate Change).

Advertisement ad1

Kadaw wa pynman wow jied ia ka chnong Umjalasiaw toh wa chem ki wa kani ka chnong toh man ka ka chnong kawa duna bha i ioh slap wei wa chem chitom bha u rep boon jait ki jhoor ki jhep ha kani ka chnong. Kamtæ da pynman ia ka ICAR deilang wa ka KVK Jowai wa u jied ki ia kani ka chnong u man ko kam ka ‘NICRA village’ kawa nyngkong hapoh Jaintia Hills.

Ha kani ka sngi wai ia kani ka NICRA da em lang leh ki heh sorkar waphær waphær naduh u Dr. S.V Ngachan Director ICAR, NEH Region Barapani, Dr. A.K Tripathi Zonal project Co-ordinator, ka kong D. Syiemiong, Director of Agriculture wa man leh kam ka kongsan ha kani ka sngi, wa kiwi kiwi ki heh officers chirup wa ki nong pynlai chnong ki khon khynro khyllud ki manbei ki manpa wa ki khynnah skur iong kani ka chnong.

U Dr. Ngachan ong u ha ki lai luti iong Oo hapoh Jaintia Hills chem u boon ki bru wa stat hei iatoh u pyneh pynsah ia ki khloo wa ki tyllong um dih. Ha I juh I por leh yoo u boon ki wah wa da iap da kylla bih. Da ong chooh chooh u leh wa ka khyndaw ha Ri lum Jaintia toh iwa sboh bha. Ki rukom chong ki thaw rep leh ki wa ym toh cha ki thaw wa chitom u lai luti. Ia kini waroh toh u pynemkaam bha ki nongrep, yow ki pynmih dang bun ki jhur, wa i iohnong leh u nangboon.

Kiwi tawan ki bru sorkar wa klam ha kani ka sngi, waroh da klam ki chapang ka kylla iong ka mariang ha kini ki por kiwa katni wei kamjuh leh da khana ki chaphang ithmu wei  kreh kam iong kani ka projek. Da ong ki leh  wa kani ka projek toh em ko i thrang wow kyntu ia ki khon iong kani ka chnong wa ki nong chong chnong hapoh district hi waroh wow pynchlur ia I kaam rep kaam riang wei kamjooh leh ia ka ri jingri ha ki chnong ki thaw iong ki waroh kawi. Da e ki leh ia i jingbatai wa kammon u pynem kam i ia kitea ki lad ki luti wa thyme wow iada ia ki jingthung jingtep iong i na ka jingkylla iong ka mariang ka suinbneiñ wei kammon leh u ye I u pynku ia i kaam rep kam ri jingri ha ki chnong ki thaw iong i.

Ki symbe khoo wa bunjait wa mih na Jaintia Hills.

Da em leh i pynyoorong ha kani ka sngi ia ki tiar ki tar ki dur ki dar kiwa boonjait kiwa iatoh wa ki kaam rep. Da pynyoo paidbah ia ki jait symbe kba kiwa boon jait kiwa da rep ha kini ki chnong ki thaw, ki dakha kiwa ye u ri ha ki nan dakha, ki jait dawai wow iada ia ki jingthung, ki rukom e dawai ia ki jhoor, ki tiar kiwa pynemkam ha i rep, wa chiboon jait kiwi tawan kiwa emkaam ki nongrep.

Share this:
Share on Facebook0Tweet about this on TwitterGoogle+0
Advertisement ad1