15 49.0138 8.38624 1 1 4000 1 http://wyrta.com 300 0

Chah kem u phader wa chah pynbaad jrong kti ya kawi ka kynthai hapoh Bus

0 Comments
Advertisement ad1
Advertisement ad1

Jowai: Uwi u phader ka Missionaries of St. Francis De Sales (MSFS) ka Guwahati Provincial uwa tip kam u Father Biju Joseph da chah e kti u ha ki paidbah cha ki pulit ka Bajengdoba, North Garo Hills hadien wa chah pynbaad u wa pyrchang u jrong kti ka ka wi ka kynthai hapoh ka Bus.

Uni u phader toh uwa jooh man kam u Parish Priest ha Sumonpara weit katni ka MSFS leh da sdang ko u kreh ha ki kaam puræ puthi kawa da embynta lang u.

Haka miet ka 15 tarik u phadar uwa chah pynbaad da wan u da ka Bus na Shillong cha Tura dei miet wei da chah pynbaad u haka kynthai wa chong hajan yong oo wa pyrchang u boonsien wow ksoh yei kti yong ka.

Kani ka kynthai toh kawa kreh sorkar wei da sdang ko u awri oo uni u phader wei da wan kiwi kiwa emlang hapoh ka Bus wow yarap ya ka.

Manda poi ka Bus ha Bajengdoba kiwa chong Bus da e kti ya uni u phader cha ki pulit deilang wa ki tiar ki tar u wei da chem ki pulit leh ya i jait kiad Brandy na ki tiar ki tar wa kit uni u phader.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply