15 49.0138 8.38624 1 1 4000 1 http://wyrta.com 300

Chah knieh ka muna yong kawi ha Jowai wa kiwi kiwi ki kaam tooh ha kylleiñ ka jylla

0 Comments

Jowai: Katkam ka yutip wa yoh na ki pulit da ong wa da yoh ki kawi ka ujor na ka S. Myrthong heiwa da ong ko wa ha ka 11 tarik uni u bnai heipor kamwa 9 waje i step da em uwi u bru u wym tipmit uwa ksoh tari da knieh u ya ka muna yong ka na Jowai.

Ha ka chi tarik uni u bnai ki damok da psiah ki ha iwi i yung yong ka Mebalaiahun Kharumnuid ha Rngijynriew, Nongthymmai, Shillong wei da tooh ki ya uwi u kpieñ ksiar uwa chongdor T. 1,36, 000 waka poisa T. 5,000.

Ha i miet yong ka  7 tarik ki damok da psiah ki ha iwi i dukan yong u Benial Baidhya ha Madan Laban, Shillong wei da tooh ki ya ki mar wa chongdor T. 53,710.

Ha ka jooh ka sngi ki damok da khyndang ki yei dukan u Jatra Barman ha Bholaganj (EKH) heiwa da tooh ki phra tylli ki mobile phone wa ka poisa T. 28,000.

Ha ka 9 tarik u Jolein M Marak da ujor u wa heipor kamwa 1:30 i step synyaw u Dhiren Sangma da tooh u ar tylli ki battery na ka truck (ML-08E-1233) wa pynyieñ ha Dirare Service Station, Dakopgre, Tura (WGH) wei hadien wa kem ya u Dhiren da yoh ki ya kini ki ar tylli ki battery.

Ha ka 10 tarik uni u bnai u Lamason Khongsngi da ujor u wa heipor 3 waje i janmiet ki damok da khyndang ki ya kawi ka almari ha kamra krehkaam ka Tbehjingshai Upper Primary and Secondary School, Wahlyngkhat (EKH) wei da tooh ki ya ka poisa T. 10, 000.

Advertisement ad1

Chah kem uwi na Punjabi Lane ynne ka sngi

Previous

Ki kaam tyrrah kari wa kiwi kiwi ha kylleiñ ka....

Next

0 Comments

Leave a Reply