Jowai : Ki tre paar mooyong ka East Jaintia Hills da pynsñiaw ki yei sñiawkhia wa joor hajrong wa chah khang ki u chalan mooyong cha ki karkhana pynmih khyndaw bilat wa em ha East Jaintia Hills. Ini i chah khang da sdang nadooh kani ka 25 tarik uni u bnai.

Katmam ka khubor wa da yoh da ong wa palat 20 tylli ki truck wa da chah ksoh ha chwa u psiah cha ki kahrkhana chna khyndaw bilat.

Advertisement ad1

Da khang ya ki u psiah da ka seiñ East Jaintia Coal Miners Association (EJCMA). Kani ka seiñ ymtoh ka seiñ ki tre paar mooyong tangwa ka seiñ kiwa challan mooyong chaki kharkhana pynmih khydaw bilat.

Da kynnoh wa ki dkhot kani ka seiñ da maham ki wa daw thang ya ki truck wa psiah chapoh kini kharkhana wa em ha ki thaiñ Loomchnong.

“I da wan poi i cheini nadooh ka 25 tarik wei da chah ksoh i ha ki kattu katni ngut ki bru kiwa yah da u Secretary ka East Jaintia Coal Suppliers Association (EJCSA) ka wa ya phær ka chaap (seal) wa ka Letter Head wa ka EJCMA heiwa ha ka chaap da thoh EJCSA” da ong uwi u wa yah wa datip u purea puthi.

“Ki tre yong i da dep e bai luti bai baam ki ya i, yoosar hadien wa chah ksoh i, ki tre yong i leh da chah maham i hadooh wa ym nood de ki u wan yarap ya i hadooh katni hap chah thngan i. Da phone cha ki leh tangwa ym em u yoh ki” ong u ma R. Sutnga.

Ki tre paar mooyong ong ki wa ini toh i tynkheiñ ya ka hukum ka NGT neibhah lada kamni ym ye i u pyllut ya u mooyong yong i hapoh ka 15 tarik u Naisan (May), weiwa daw chah khurup lut u wasah ha ka sorkar.

Da kyntu joor ki ya ki bor pyllai distrik nadooh u DC, SP wa DSP yow chim khia ki ya kani wei wow e yada leh ya kitai ki trok wa chah ksoh yow lait neiwon iwon i sñaiwsih kam i chah thang ki kari ha ki bru wa chim kabu.

Share this:
Share on Facebook0Tweet about this on TwitterGoogle+0
Advertisement ad1