15 49.0138 8.38624 1 1 4000 1 http://wyrta.com 300

Chah noh iwi i khonboo wa dang kha ha Mawkynrew

2 Comments

Shillong: Iwi i khonboo wa dang kha wot da chah noh i deiwa song ya ini i khonboo ha ka hon ha iwi i thaw ka chnong Mawkynrew.

Ini da jia i ynne i step wei katkam wa pyntip ki pulit da ong wa wa ini i khonboo da chem da ki ar ngut ki bru kiwa lai luti na ini i thaw wei da pyntip wut-wut cha ki pulit ka Madanrting Police Station heiwa da kit noh ya ini i khonboo cha Mawkynrew CHC tangwa neidaw wym biang ki laad sumaar da kyrriah noh ya ini i khonboo cha Ganesh Das Hospital, Lawmali.

Neiliang u Superintendent of Police (SP) ka East Khasi Hills, u Davis N R Marak da ong u wa mar ya tip yeini, ki pulit da lai cha kani ka thaw wow chimkti ya ini i khonboo wei hadien wa takit da chemdien wa ye i u man i yong kawi ka bru kawa chet baam ya ki Father ha Holly Cross Parish, Mawkynrew wei hadien ini kawi ka Sister na kani ka Parish da yah ko ya kani ka bru cha ki pulit. Neidaw wa kani ka bru ym em ko i doh i pran wa chait wa khiah da kit noh ya ka cha kani ka jooh ka thaw sumaar wa e mi khonboo yow chah sumaar ko.

U SP da ong u wa neiliang ki pulit dang pynman ki ya ka takit kawa bniah wei ym maap ki ya kiwa leh ya ini i kaam.

Neiliang ka Medical Superintendent ka Ganesh Das, ka Dr. N. Wanswet da ong ko wa ini i khonboo em i hapyrdi i chah sumaar wei katni da pynthiah ya ini i konboo ha kamra Sick Newborn Care Unit (SNCU) wei ini i khonboo toh i kynthai.

Ka Dr. Wanswet da pynsñiaw ko yei mynsien wa khia neibhah wa da roi bha ki kaam wa man kam kini.

Jop ka Pohhali-I ya ka IB FC ha ka Lion 5 Knoc....

Previous

Pynkut noh u Conrad yei yalap Election ha Ampa....

Next

2 Comments

  • May 24, 2018 at 4:34 pm
    Bewaredkhar

    Punishment should be done…

    Reply
  • May 25, 2018 at 5:10 am
    alisha

    yes i agree

    Reply

Leave a Reply