15 49.0138 8.38624 1 1 4000 1 http://wyrta.com 300

Chah slaitbor ka kynthai ha u chan ko wa ki lok yong oo

0 Comments

Jowai: Ka wi ka kynthai Garo da pynbaad ko wa chah slaitbor ko ha u chan ko chirup wa ki le ngut ki lok yong oo ha chnong Tukura kawa haap hapoh ka Agia Police Station ka Goalpara District, Assam.

Katkam ka khubor wa da yoh da ong wa ini da jia i ha ka 23 tarik uni u bnai heiwa kani ka kynthai da lai ko wa u chan ko wow lehkmen ya ka sngi Eid.

Ki pulit da pyntip ki wa heithaw wow yah u chan yong ka cha yung yong oo wow pyntipmit ya ki bei ki pa yong oo da yah pathan u ka cha i yung u lok u.

U chan kani ka kynthai ya uwa da tip kam u Mustafizur Hussain hadien wa yah ya ka chan u cha i yung u lok u da mih ki wow lai cha ki thaw wa em ki lyngkha heiwa pyn soo ngut ki da slaitbor ki ka.

Da pyntip wa kani ka kynthai da pyndih ya ka da ki jait dih umsoh (Cold Drinks) iwa da khleh dawai chwa wow leh ki yeini i kaam.

Ki pulit da yoh ki u kem ya ki le ngut katwa uwi na ki dang yut u wei ya kini ki le ngut da tip kam u Mustafizur Hussain (20 snem) na Tukura Pt-III kawa em hapoh Goalpara, u Joynel Abedin (20 snem) wa u Abdul Latif (19) pyn ar na Kalagachia kawa em hapoh Barpeta District, Assam.

Ki pulit dang pynman ki ya ka takit wow pyntikna katwon snem kani ka kynthai.

 

Advertisement ad1

Ha ka 29 tarik u yohlaad ki paidbah wow ood ha....

Previous

Jop suk u Conrad da 8000 tam ki Vote ha South ....

Next

0 Comments

Leave a Reply