Advertisement ad1

Jowai: U wi u khynnah wa dang 13 snem i rta uwa chong wa sah ha Mookyrdup Jowai, da slaitbor u ya kawi ka khynnah wa dang 8 snem, katwa ha iwi won i jia, ka wi tawan ka khynnah wa 7 snem da lait ko na ki tyrsim uni u jooh hi u khynnah.

Katkam ka ujor kawi ka manbei kawa sah ha Iawthymme, Ladthadlaboh, Jowai da pyntip ko wa ha ka 01.11.2016, katwa ka khon yong ka kawa dang 8 snem heipor wa wan skur ko 1:30 i sngi manda poi ko ha Iawthymme u tai u khynnah da patah u ka cha poh ka wi ka trep dukan wei da slaitbor u ka.

Sa ka wi won ka manbei leh da ujor pyrchah ko ya u tai u jooh u khynnah wa da rahbor u ya ka khon yong ka kawa dang 7 snem heipor 12 waje i sngi ha ka 01.11.2016, wei da thmu u wow slaitbor ya ka ha i jooh i thaw tangwa da lait ko u yut na oo.

Neidaw wa u tai u khynnah wa dang khian i rta u, da e kti ya oo cha ka Childline Jowai ha ka tai ki ka jooh ka miet ka 1 tarik tangwa ha ka step wa bood won heipor 6 waje da yut u na ki kti yong ka Childline, Jowai.

Hadooh katni ki pulit dang thooh ki oo uni u khynnah.

Share this:
Share on Facebook0Tweet about this on TwitterGoogle+0
Advertisement ad1