15 49.0138 8.38624 1 1 4000 1 http://wyrta.com 300 0

Chah thok ki ar ngut wa chah jied wow lai cha NASA, USA

0 Comments

Jowai: Ki ar ngut ki manbei ka Dolma Yanzee Bhutia waka Fatima Nongkynrih da ujor ki haka 15 tarik uni u bnai wa da su ki T. 2,50,000 samen lyngba ka Bank haka Vijaya Bank Laitumkhrah Branch, Shillong wa haka SBI, Malki Branch, Shillong cha u Praveen Kumar uwa naka Travel Terminal, N0204, 1st Floor, 7th Main HRBR Layout, Kalyan Nagar, Bangalore yow lai ki khon ki cha NASA, USA, kam chibynta ka Educational Trip.

Kani ka Company da tyrwa ko cha ki nadooh u Naisaphra (Aug) 2017 tangwa ym em mankaam ko hadien wa cha kyntait ka Visa ki khon ki wei yaka poisa ym em de pynuiñ hadooh katni leh hadien wa da pyntip cha kani ka Company.

Haka jooh ka sngi, u Gronico Marak da ujor u wa da tyrwa dai u yaka thuk thuk yong oo kawa em ya u number ML-08E-2082 lyngba ka OLX wei haka 12 tarik uni u bnai heipor 11:30 i step da pynbait wow yachem wa uwa kwah wow thied ha Araimile, Tura (WGH) hiewa uwa tyrwa thied da pyrchang yah u yaka thuk thuk wei da wiar u khlem pynuiñ ka.

Haka 10 tarik uni u bnai, u Tariang K Marak naka chnong Dorengkigre, EGH da ujor u wa ha u Duiatra (Jan) 2019, uwi u bru wa tip kam u Sengseng kular u wow e krah ya oo kam u Traffic Police lada su u T. 10,000.

Hadien ini da su poisa ya u Sengseng wei sa uwi u Arun N Marak da su u T. 30,000 wei da pyntip cha ki wa daw chah khut ki da u Superintendent of Police haka 10 tarik uni u bnai.

Ha u Wisu (March) 2019 uwa ujor wa u pa u da yachem ki wa u Sengseng wa sa uwi u bru wa kam wa kreh u ha yungkrehkaam u SP, uwa da pyntip ya ki wa lait kaaam Muster Roll ha MeECL wei emkaam T. 1,50,000 yow yoh ya ini i kreh.

Hadien ini manda phone ki ya u Sengseng ym em de jubab u ya ki.

Haka 17 tarik won, u Sankupar Diengdoh da ujor u wa ar ngut ki bru wa tip kam u Vikas Patel wa u Zapadiya Ajay Bhai da thok ki oo T. 32,000 wa da su cha ki lyngba ka Paytm yow thied yaka kari Maruti Alto K-10  wa em ya u number GJ-01-KE-4406 tangwa ka kari ym em poi ko hadooh katni.

Advertisement ad1

0 Comments

Leave a Reply