15 49.0138 8.38624 1 1 4000 1 http://wyrta.com 300

Chem ki pulit ya i metyap uwi u bru na kawi ka kari kamai ha Shillong Bypass

0 Comments
Advertisement ad1
Advertisement ad1

Jowai: Ynnin i miet heipor kamwa 9:15 kawi ka kari kamai (Sumo) wa em ya u number ML-04A-8561 da yut ko manda poi ko ha Diengpasoh, East Khasi Hills (Shillong Bypass) heithaw wa em ka Police Check Post.

Ini da jia i heipor wa ki pulit dang pynman ki yei sylli ya ki kari hadien wa dang dep chah kem ki dkhot ka NSCN(K) na West Jaiñtia Hills.

Advertisement ad1

Ki pulit da kdong ki ya kani ka kari wei da chem ki ka hadien wa da chah ieh ko ha Mawkhanu (EKH) wei hapoh kari da chem ki yei metyap yong uwi u bru.

Ki pulit da suba ki wa uni u bru toh uwa chah tynyap tangwa manda yoh ki u kem ya ki 4 ngut kiwa yut napoh kani ka kari da phla ki wa ya uwa yap dang mut u kit oo cha Silbari, Nalbari, Assam wei da khlaad u heipor wa dang tih mooyong wa haap u moo ha khlieh u ha iwi i paar mooyong wa em ha Byndihati, EJH.

Ym em nood ki wow pyntip cha ki pulit neidaw wa da khang ka NGT wow tih mooyong.

Hapoh kani ka kari da emlang leh ki diah uwa yap wei ya uwa yap da tip kam u Naresh Rajbongchi (31 Snem).

Kiwi de kiwa em hapoh kani ka kari toh u Hari Rajbongshi (25), Vicky Baglary (21), Gulzar Hussain (18) wa u Joydeep Rajbongshi (26).

Ya uwa yah ya kani ka kari ym pu em chem ki pulit oo.

Da pynkrehkaam ya ka 144 CrPC ha EGH wow khang....

Previous

Maham u DC ka WGH ya kiwa kreh sorkar kiwa wan....

Next

0 Comments

Leave a Reply