Advertisement ad1

Jowai: “Ka Ri Khasi Jaiñtia toh ka Ri wa u Blai da kyrkhu u waroh ki liang nadooh ki loom ki wah wa bha wa miat, ki khloo wa yirngam, ki um wa khooid wa boon ki doh, kawa mahajon yei em ki jait dien, ki dawai kynbat, ki jait khñiang, ki mrad ki sim ki doh. Da man ko kam ka bneiñ ha sla khyndaw tangwa ha kini ki sngi won ka rymaw da man ko kawa da sih wei da chah ktah ko ha kiwa bon ki liang neidaw wa khwan myntoi ki bru samen heiwa ka la-er leh man ko kawa tngit.” da ong u T.Bn u P.H.S. Bonney, IFS.

Ya kini ki kyntien da ong haka Seminar wa pynman da ka Socio & Economic Life Development Committee ka Jowai Presbytery ynne ka sngi ha yungmane ka Balang Presbyterian Jowai, hajrong ka ka phang “Wow pynneh pynsah ya ka bei rymaw”.

Advertisement ad1

Da ong u wa ha u snem 1980 ka thaiñ yong i ka dang biang ko ya ki khloo ki kjam, we katni waroh ki khloo wa rben da sdang wiar ki wei i dooh nong ym toh de iwa ke.

I daw wa jia ini toh i hi ki bru wa leh deiwa pdiang i ya ki kharkhana u tih ya ki maar pohkhyndaw kiwa wan rah ya kiwa boon ki jet ki pra ka rymaw heiwa da dooh leh ya ki thaw rep.

Da ong u leh wa ki khloo kyntang ki khloo chnong kiwa da sumaar uwa rim wa jah da sdang wiar ki.

I man ka rymaw ha kini ki sngi nadooh ki thaw wa em cha palatchnong hadooh cha sor man ko kawa cha palatpood heiwa ka um dih da man kawa wym hoi de u dih heiwa ki khloo wa yada ya ka da wiar ki.

Kamtæ hajrong kani ka yurim da emkaam wow khyrngiat noh i neibhah hadooh ka Bible leh da klam che ko wa emkaam wow pynnheh pynsah ya ka bei rymaw.

Ha kani ka sngi da wan chimbynta leh da ki dkhot ka Balang Presbyterian, ki pastor wa kiwi kiwi.

Share this:
Share on Facebook0Tweet about this on TwitterGoogle+0
Advertisement ad1