15 49.0138 8.38624 1 1 4000 1 http://wyrta.com 300

Chirup i yakrehlang wa ki paidbah wow ye u wanrah yei kylla: Kyrmen Shylla

0 Comments

Jowai: Ynne ka sngi u kyrtong ka UDP na 6-Khliehriat Constituency, u Kyrmen Shylla da thap pyrtuid u wow yakhun ha kani ka Election MLA wow pynman ha ka 27 tarik uni u bnai.

“Kam u kyrtong wa yakhun ya kani ka Election manda poi cha ka thong, i angnood hi yong nga toh wow kreh neibynta i eh i khoo ka imlang sahlang iwa da yoo i, wei i thmu toh wow pyllait na ini i eh waroh deiwa yakrehlang i waroh, ymtoh manda chah jied kam u Candidate wow ong O nga wow kreh tangwa i hi waroh ki wow krehlang wow pynmiat pynbha i yeini,” da ong u Kyrmen hadien wa thap pyrtuid u ynne ka sngi.

Advertisement ad1

Hei yatoh wa i chah khang u mooyong da ong u wa lada krehlang chirup wa ki paidbah ym em iwa ym ye u leh neibhah wa em bait ka laad, deiwa pynrap wa ka UDP na Jaiñtia Hills da pynsñiaw ko yei eh i khoo ki paidbah cha ka party nadooh wa khang wow tih mooyong.

Da ong u leh wa emkaam u kreh neibynta wow wanrah ya i chongsuk chongsaiñ hapoh ka thaiñ wa ka jylla hi waroh kawi.

Heijooh i por da ong u wa emkaam leh wow wanrah ya ka Government College hapoh ka District khnang wow yoh myntoi ki khon khynroo khyllood wow lai puræ heini nadooh kiwa mahajon hadooh kiwa dooh.

Hei yatoh won wa i ktien wa ong wa oo dang man u uwa dang khynnah, da ong u “Lada man O uwa dang khynnah leh yoo O yei eh ki paidbah, hawa yoo yeitæ ymboi yang de yei por wow ong manda heh i wow sumaar i neibhah hawa yoo ya ka khut katni em ko, emkaam wow leh yeiwa emkaam katni wot”.

Emkaam ya ka aiñ wa khlan wow yada ya i hok ki....

Previous

Pynbna ka Congress da u Manas Chaudhuri na Sou....

Next

0 Comments

Leave a Reply