15 49.0138 8.38624 1 1 4000 1 http://wyrta.com 300

Chirup wa ki kyndon, kyrchaan u MDC ka KHNAM ya ka KHDA ha KHADC

0 Comments
Advertisement ad1
Advertisement ad1

Shillong: U MDC wa samen yong ka KHNAM, u Adelbert Nongrum uwa waroh chi kattu da chong pyrdi u khlem em wa kawon kawon ka liang ha KHADC, ynne ka sngi da lai e kyrchaan u ya ka Khasi Hills Democratic Alliance (KHDA) ryngkat ki kyndon wa ka Executive Committee wa thymme toh u leh ko hapoh ar bnai.

Hawa yaklam wa u Adelbert da ong u wa waroh ar liang, ka PDA wa ka KHDA da paan ki yei kyrchaan na oo wow yoh u chna ya ka EC wa thymme ha KHADC, wei da jied u wow e kyrchaan ya ka KHDA ryngkat 8 tylli ki kyndon kiwa haap ko wow leh hapoh ar bnai lada yoh ko wow synchaar ha KHADC.

Advertisement ad1
Advertisement ad1

Da ong u wa i kyrchaan ya ka KHDA toh hajrong kawi ka yurim neibynta i bha i miat yong ka jaitbru, ymtoh neibynta wow yoh ya ka chuki wei da pynrap u wa heipor wa dadep da sakhi wa ya ka KHADC da pynman kaamke hi-eh ya ka neibhah i joor i yaknieh chuki katwa ki kaam ka Council won da sahteiñ i.

U Adelbert da ong u wa ki phang wa da booh u hakhmat ka KHDA toh wow dam u e NOC ya kawon kawon ka sarok ha i pyrtuid ki kaam pynroi lyngba ka sorkar pyrdi ki wow yah cha i thmu wow tih ya u marpoh khyndaw Uranium na ka thaaiñ West wa South West Khasi Hills. Da booh u leh ya i dawa wa ka KHADC toh u yakrehlang ko waka Hima Mylliem khnang wow kyrriah noh ya ki Kharmator na Them Iewmawlong, wei wow kyntu ya ka High Level Committee (HLC) wa da thung da ka sorkar jylla wow kynthup lang ya u Syiem ka Hima Mylliem kam u dkhot ka HLC neibhah ka soskular toh hapyrdi ka Shillong Municipal Board wa ka Hima.

Chooh chooh u MDC ka KHNAM da dawa u wa ka Executive Committee wow pynbna paidbah ko ya ki kaam wa lait hapoh ka Council neibhah wa kamwa man katni em chiboon ki khynroo khyllood kiwa da em i stat i tip, kiwa em hok wow yoh kreh tangwa da haap chong hi-eh ki neidaw wa da thung khiar ya kiwa kreh ha KHADC. Da ong u leh wa kwah u wa ka EC wa thymme u thung ko ya oo kam u Chairman ka Committee wow pynkylla ya ka kyndon aiñ wow jied ya ki MDC, da i thmu wow khanglaad ya kiwi tawon ki jaitbru wow embynta ki hei wow jied ya kiwa mihkhmat hapoh District Council.

Da dawa u leh wa ka EC toh u pynkhor ko wow e Trading License cha ki baar jylla, wei wow hukum ya u Syiem ka Hima Mylliem wow khut noh ya ka dorbar wow pyndooh noh yei baam-tooh ha ka Council, wei wa ka KHADC toh u pynkrehkaam ko ya ka rai yong ka Kasari ka Supreme Court, kawa da pynmih hukum wow dam u tipmit yak i bru na ri-loom namo ST ya ki kynthai Khasi kiwa chong kurim wa kiwi won ki jaitbru.

Khaddooh da epor u leh ya ka KHDA lada wan ko hei bor wow pynman kaam ko ya kini ki dawa yon oo hapoh ar bnai wei lym kamtæ da dam noh u wow kyrchaan ya ka.

Advertisement ad1
Advertisement ad1
Advertisement ad1
Advertisement ad1
Advertisement ad1

Chah tynyap uwi u bru ha Phramer, WJH

Previous

Mang ka sorkar T. 1,000 Klur wow wanrah ya ki ....

Next

0 Comments

Leave a Reply