Advertisement ad1

Nongpoh: Ka Madan Umroi, Ri-Bhoi District ynne ka sngi da chlai ko plak da ki paidbah wa da wan mih na kylleiñ ki chnong ka Umroi Constituency wow pynyoo i kyrchaan ya u Ngaitlang Dhar uwa man leh kam u MLA warim ka Constituency kamjooh leh u kyrtong ka National People’s Party (NPP) u wow yakhun ya ka Election MLA ka wow wan.

Advertisement ad1

Hawa e i klam ha kani ka sngi u Dhar da ong u wa oo kamwa da kular u hakhmat ki paidbah ka Constituency ha u 2013 da pyndep sakhiat u yeiwa da kular u wow yarap ya ki paidbah na ka tulop wa yoh u na ka sorkar jylla ha kini ki san snem wa da lai.

Da ong u leh wa lada ki paidbah ym jied de ki ya oo wei lada rem u ha kani ka kynti oo ym yaleh de u ya ka Election ha ki snem ki wow wan tangwa du hapoh ynru bnai daw boon kiwa silet neibhah ki wow wan hei thaw yong oo ym ye de ki u leh kamwa da leh u.

Katkam wa kular u Dhar ha u snem 2013 haphrang ki paidbah wa lada jop u kam u MLA, u e yarap u waroh ka tulop yong oo cha ki paidbah wei ynne ka sngi u Ngaitlang da kular biang u yei jooh hi kamwa da kular u ha u snem 2013.

Iwa yoo chongchit toh wa hadien wa klam u Dhar ya kini ki kyntien, ki paidbah plak da kbai da kyriaw ki wa ha kani ka kynti leh u kyrchaan ki ya oo wow man u kam uwa mihkhmat yong ki ha u 2018 cha ka yung chna aiñ ka jylla.

Ha kani ka yalang da puræ leh ya ki kaam wa da leh u wow pynsakhiat yeiwa kular u san snem nachwa heiwa da khana ya ki kaam yarap yong oo nadooh i e yarap cha ki seiñ niam, ki Balang, ki madan yalehke, ki bru samen, wa kiwi kiwi.

Kiwi kiwa da klam ha kani ka sngi toh u Dr. W.R Kharlukhi, President ka NPP ha Meghalaya, u Prestone Tynsong, u H.S. Shylla, u Sñiawbhalang Dhar, u Dasakhiat Lamare, wa kiwi kiwa kitkaam ka party.

 

Advertisement ad1
Advertisement ad1