15 49.0138 8.38624 1 1 4000 1 http://wyrta.com 300

Chongkun ka All Jaiñtia Meet 2018 ka JSU-SC ha Shillong

0 Comments
Advertisement ad1
Advertisement ad1

Shillong: Ka Jaiñtia Students Union – Shillong Circle (JSU-SC) ynne da pynman ko ya ka All Jaiñtia Meet 2018 namo ka yachem lang ki khynnah puræ, kiwa kreh wa kiwa chong wa sah ha Shillong kiwa na ri-loom Jaiñtia.

Ya kani ka yachemlang da pynman ha Don Bosco Hall, Laitumkhrah Shillong heiwa u montri ka chnat i chait i khiah ka jylla, u AL Hek da man u kam u kongsan katwa u montri ka chnat Social Welfare u Kyrmen Shylla won da man u kam u symbood kongsan hei emlang u Principal ka St. Edmunds College u Sylvanus Lamare, u MLA warim ka Mawlai u E. Syiemlieh, u President ka HYC u R. Kharjarin, ki khynnah skur, khynnah puræ wa kiwi kiwi.

Advertisement ad1
Advertisement ad1
Advertisement ad1

Ya kani ka yalang ha kani ka sngi da pynlai da u President ka JSU-SC u Treiborlang R Suchen.

Neiliang u Sylvanus Lamare uwa man leh kam u bru chemphang ha kani ka sngi da batai u hajrong ka phang yong kani ka yachemlang kawa ong ‘Samen ye i u khlan, chirup dei yonglang, rap khroo i khlan’ heiwa da ong u wa iwa kongsan tam toh wow ki bru kiwa yatylli.

Uwi na kiwa e buit ya ka seiñ, u Sajeki Passah hawa e yei klam da khana u ya ka parom kammon wa sdang ya kani ka chnat ka JSU ha sor Shilong, heijooh i por da kyntu u ya kiwa kitkaam wa ki dkhot ka seiñ wow man ki kiwa yatylli khnang wow ye u e i chakri pura ya ka jaitbru.

Neiliang u Kyrmen Shylla hawa e i klam da ong u wa boon kiwa em ka sap tangwa emkaam wow pynmiat wow pynjanai ya itæ iwa em ha i, ymtoh u bichni iwi ya iwi tangwa i yakrehlang man i ka laad wow poi cha ka thong. Da kyntu u leh ya ki khynnah wow phone ki langær cha yung cha sem neibhah hawa em cha jngai, ki bei ki pa kynmoo bait ki ya ki khon.

U AL Hek hawa klam da e khublei u ya waroh wa em ha kani ka sngi, deiwa pynrap wa yoosuk wa lada kiwa dooh næ yoh em ki ka thong hawa poi ki cha Shillong wei emkaam wow man won kiwa minot.

U Hek da pynksan u deiwa ong wa emkaam wow em i mynsien yatylli lang wei emkaam wow em i kitkhlieh ha jar jiar ki kaam hawa em ha Shillong namo heiwon heiwon leh.

Ha kani ka sngi da pynkup burom leh ya ki khynnah wa pass bha ha ki Exam nadooh ka SSLC hadooh PhD wei kamjooh ki khloor yalehke sports na ri-loom Jaiñtia.

Ya kani ka sngi da pynphooh da ki rwai wa ki chaad tynre na ki khynnah wa sah ha sor Shillong.

Jop ka Ever Young ha ka 4th Invitation Knock O....

Previous

Dawa ka AJSU-JC wow pynkhooid wei wow wai bian....

Next

0 Comments

Leave a Reply