15 49.0138 8.38624 1 1 4000 1 http://wyrta.com 300

Chongkun ka Dorbar Yachemlang ki khon ka Seiñkur Dkhar ha Jowai

0 Comments

Jowai: Ynne ka sngi Thymblieñ 15 u Naikhynde kiwa yahkhmat ka Seiñkur Dkhar Central Body wa em ha ri Loom Jaiñtia dei sñiawkhia da khut pynman ki ya ka Dorbar yachemlang wa kyrpang ha Chutwakhut Indoor Sports Hall heiwa ki khon ka kur Dkhar na kylleiñ ki thaw dawan ki wow yachimbyntalang nadooh ki manbei manpa hadoh ki khynroo khyllood.

Ya ka Dorbar ha kani ka sngi da pynlai da u waheh Ksohbok Dkhar, President ka Seiñkur heiwa da kdar yahkhmat u leh wow e ki kyntien pdiang burom wa i parom wa tbian i lai luti ka Seiñkur ha ki kajiak snem wa dalai neitæ won pynbood ya i ngoohblai ngoohsyiem da u waheh Dawan Dkhar, i parom watbian ka Seiñkur hadien i ieh kaam u General Secretary u M.H.Dkhar katwa ya ki kyntien khublei won ha ka bynta wa kut yong kani ka Dorbar da e na u Harvis C. Dkhar, Chairman Seiñkur Dkhar, West Jaiñtia Hills Zone.

Ha kani ka Dorbar da em i klam i kape, i sneiñ i kyrsu kyntu na ki waheh wasian ka Kur kiwa kynthup ya u Stalbinus Dkhar, Vice-Chairman Seiñkur Dkhar West Jaiñtia Hills Zone wa u waheh Pdianghun Dkhar, General Secretary Seiñkur Dkhar, East Jaiñtia Hills Zone.

Ki mat ki bynta kiwa kini ki waheh wasian ka Kur Dkhar chim ki wow pachat hakhap u waboon walang toh ka akor-burom, ka rukom ka dustur u Kni-u Pa wa kiwi kiwi ki bynta kiwa yatoh wei miat i bha ka kur ka jait, ka yung ka sem.

Ha kani ka Dorbar da ka rai wa i sur yong u waboon walang wow ye u pynphet chakhmat ya ki kaam ka seiñkur, yei kaam President da pynskem biang ha u Ksohbok Dkhar, General Secretary u Hamjhan Dkhar, ar ngut won ki symbood Chongknor u Lebos Dkhar wa u Harvis C.Dkhar, Assistant General Secretary Pdianghun Dkhar wa u Medistar Dkhar, Treasurer Balan Dkhar, Adviser u Dawan Dkhar wa u Rolinson Dkhar neitæ won 30 ngut ki dkhot yong  ka Executive Committee wa kynthup 15 ngut na East Jaiñtia Zone wa 15 ngut na West Jaiñtia Zone heiwa ka samoi krehkaam yong kini kiwa kitkaam u man ko le snem donhi.

Advertisement ad1

I mih u Dr. Lapang daw ktah ko ya ka Congress ....

Previous

Da wai ya ka Online Reporting Portal wow ujor ....

Next

0 Comments

Leave a Reply