15 49.0138 8.38624 1 1 4000 1 http://wyrta.com 300 0

Chongkun ka yalang Seiñkur Sutnga 14 Khrong

0 Comments

Jowai: Ka Seiñkur Sutnga (14 Khrong) Khasi Jaiñtia Dorbar Pyllun kawa 10 da pyman ya ka ha kani ka 24 tarik uni u bnai ha chnong Latyrke.

Ya ka yalang ha kani ka sngi da pynlai da u Batkupar Sutnga wa man kam u President ka Seiñkur wei chwa wow sdang kani ka yalang da pynhær ya ka lama ka kur da u Saibor Shadap wa man kam u MDC warim ka JHADC wei da yoh ya ki kyntien pdiang burom na u Rev. Happy Sutnga yeiwa da pynbood da i rwai i chaad na ki khon ka kur na ka chnong Latyrke.

Advertisement ad1

Ha kani ka sngi da pynskem ya ki rai na ka yalang wa dadep man ha ka chnong Mulait wei da yoh haroh ya ka General Report na u General Secretary u H. Sutnga.

Iwa kyrpang dooh ha kani ka yalang kur toh wa ka seiñ kur Sutnga da pdiang ko ya ka kur Syiemlieh ka wow man chikur wa ka kur Sutnga hadien wa ki jait Syiemlieh da ye ki u pynsakhiat wa ki hiar pateiñ ki na ki ar ngut chipaiu kiwa na ka yung syiem kiwa da phet chnong cha ri-loom Khasi kitæ toh ka Shaplong Sutnga wa u Sajer Sutnga.

Ha kani ka sngi da e khusnam ya ki le ngut ki khon ka kur kiwa da rah nam rah burom ya ka kur ha ki liang waphær waphær kitæ toh ka Sookini Sutnga kawa chimbynta ha kiwa boon ki rynsan yakop miat kynthai kiwa man hapoh ka jylla yong i kamjooh cha bar ri, ka Lambhadaka Patlong kawa da yoh yei naam International Referee haka yalehke Kick Boxing waka Diana Pakem kawa da leh bha haka Examination HSSLC kawa da yoh ko haka 9th Position haka Top 20.

Da pyn chongchit pynphooh pynpheiñ ya kani ka sngi dei wan chimbynta ki hajar ngut ki khon ka kur kiwa em ha waroh ka thaaiñ Khasi wa Jaiñtia.

Ha kani ka sngi da yoh chiboon ki chaad ki rwai wa pyn ka-it ya kiwa wan kam naka chnong Byrwai, Jowai, Khliehriat, Rtiang, Changpung, Sutnga ,Tangnoob, Mynthlu, Iarain, Muknor,Tluh, Psiar, Mowkaiaw, Khahnar wana ka chnong Mowtyrchiah.

Ha kani ka sngi da yoh leh ya i pynyoo rukom kamon u yada pyn da i ya i hi lada chem iwon iwon i takhooh i eh hei lai luti yong i kawa da leh da ka Jowai Unit.

U Erwin K Sutnga ha kani ka sngi da e u i kyntien snein kyntien kroo ya ki khon ka kur wa ymhoi u lai bakla ki chawah chaneiñ emkaam u ri syndong ki yei akor burom khnang yow ksoh ki yei burom ka kur. Da ong u leh wa ki Seiñkur katni man ki kiwa emkaam bha khnang wa ki pateiñ yong i yow lait ki nei chong sang.

Ya ki kyntein e khublei da yoh na u Harasing Pajuh wa na u Jisrilson Sutnga na ka chnong Latyrke.

Kam ka dak u pynwai ya ka yalang da pynhap ya ka lama da u Dawan Sutnga u Secretary General warim ka kur.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply