Advertisement ad1

Jowai: Ka dorbar yong ka kur “Swer-Suiam-Langstang” da pynman ya ka haka 12 tarik uni u bnai ha chnong Kyndongtuber, West Jaiñtia Hills District.

Ha kani ka yalang da wan lut ki khon ki kti yong kini ki le tylli ki kur, kitæ toh ka kur Swer ka kur Suiam waka kur Langstang na ki chnong waphær waphær kiwa em ha ri-loom Jaiñtia wa kiwa na ri-loom Khasi.

Advertisement ad1

Ya kani ka yalang da pyllai u Chairman ka seiñ kur u S. Suiam.

Da puræ ya ka parom wa kammon sdang ka kur Swer u poi ha Kyndongtuber da u Tymmen Wasan u R.R. Swer heiwa da ong u wa ka kur Swer katkam ka yutip da sdang ka kur Swer u poi chong chnong ko ha Kyndongtuber ha u snem 1917.

Hadien itæ da puræ yaka parom yong kini ki le kur, heiwa da tip wa kini ki le kur man ki le ngut chi payu kynthai ki khon ka beipun Riang, kitæ toh “ka Wer” ,”ka Iam”, wa “ka Tang”.

Ka kur Swer toh kawa hiar pateiñ naka “Wer”, ka kur Suiam naka “Iam” katwa Ka kur langstang won da hiar pateiñ ko naka “Tang”.

Da yoh leh i klam sneiñ kyntu hajrong ki phang waphær waphær kam na u Fivestar Suiam, u Elios Swer (Doloi Elaka Rymbai), u Aiban Swer, u Phransis Swer wa kiwi kiwi.

Kini ki waheh da sneiñ da kyntu ki ya ki khon ka seiñ kur wow tia ki chakhmat hei khih i kamai khamtam ha i puræ puthi wei da pynkynmoo ki leh ya i lehbha ki khon ka kur kam u Berister Swer na Kyndongtuber wa psiah haka Top 20 ha ka HSSLC Exam Science stream ka MBOSE, u Hameshaniah Suiam na Shangpung u waman uwa yakhun Kickboxing wa pawnaam ka jylla waroh kawi uwa da chah jied wow yakhun cha Hungary, Italy, Ireland wa kiwi kiwi.

Da kyntu ya waroh wow bood ki ya ki nongmuna kini ki khon ka kur.

Ha kani ka yalang da yoh leh ya ki rwai ki chaad waphær waphær naki khon ka seiñkur.

Da pyntip leh wa ka yachemlang ha u snem 2019 u man ko ha Khliehriat.

Advertisement ad1
Advertisement ad1