Advertisement ad1

Jwai: U Deputy Commissioner iong ka west Jaintia Hills District u Arunkumar Kembhavi IAS da pynmih hukum u cha waroh ki nongsam gas( LPG) wa neini chakhmat waroh ki gas agency kiwa em ha West Jaintia Hills District toh u libooh ki ia ki kum kas (gas cylinder) cha man ki thlu iung wa pynemkaam gas, wym toh de u pynemkam ki u booh kam ki delivery point ha ka wa ki bru dup ki u li chim neitea.

U DC ka West Jaintia da chim u ia kani ka rai hadien wa boon na  ki nong pynemkam gas da ujor pyrchah ki yei ni i rukom sam kas ki Gas Agency iong ka district, deiwa ong ki wym jooh em u pynpoi ki ia ki kum kas (cylinder gas) cha ki thlu iung kiwa pynemkam gas, ki Gas Agency lai sam ki ia ki tadong du ha iwi ar don hi ithaw iong ki dong wow pynman ki kam ka thaw sam(delivery point) ha kawa ki nong chim da hap ki u lai chim nei tea i thaw sam iong ki.

Katkam ka hukum u DC toh ki iung kiwa pynemkam gas (LPG) ye ki u phone cha ki gas Agency heiwon iwon ipor wa ki em kaam ki u kylliang næ u pyndap ia ki kum gas iong ki deiwa u khana che ki yei thaw chong thaw sah iong ki dei wa tikna khnang wow pynsuk pynsmat ia ki nonglai sam gas u poi ha iung iong ki.

U DC da khana paidbah u leh ia idor iong chi kum (cylinder) ka gas kawa khia 14.2 kg toh  Rs. 654 kawa da khein lang wa ka subsidy  kawa Rs.224.2  ka wow em ha ka Bank Account iong ki nong pynemkam. Ka dor iong ka 5 kg ka gas kawa ym ioh subsidy toh Rs.241 katwa ka dor iong ka kum kas kawa khia 19 kg toh Rs.1286. Kador iong ka kum kas wa khia 5 kg chi cylinder neibynta kitu kiwa pynem kam ha dukan toh Rs.358,  katwa kador iong kawa 47.5 kg toh Rs.3210.50. Ia kini ki dor u kreh kam ki naduh ka 01 Aug 2015.

U DC da ong u leh wa ka subsidy toh du neibynta ka lyer kawa khia 14.2 k.g chi kum kawa pynemkam hawa chet watu ha iung.

Katkam ki kyndon iong ka Oil Marketing Companies (OMCs) i dor neibynta ka lyer chet wa pynemkam ha iung toh da kheiñlang leh wei bai kit. Kamtea ki nong pynemkam wym em kam de ki u su bai kit palat ia ka Rs.654. Katwa na ka liang iong ka district hadien wa da pyrkhat bha ia i rukom man iong ki thaw da buh dor Rs.20.50 kam ka bai kit iong uwi u kum kas, ki tre iung lada jia wym em ki heitea ipor wan booh gas ki nongsam kas, ye ki u chim kamwa archah hei wa wan booh gas biang ia katea ka iung (Rs. 41).  Ki nong pymemkam kas ye ki leh u lai chim wan na ophis ne nei dukan sam gas khnang u lait ki u su baikit Rs.20.50.

U DC da maham pyrchah u leh ia waroh ki dukan ki restaurant ki hotel wym hoi u pynemkam ki ia ki kum kas kiwa 14.2 kg. Lada chem ia kiwon kiwon kiwa pynemkam daw chah pynchitom ki katkam ki kyndon ain sorkar kawa 3 wa kawa 7 iong ka Essential Commodities Act 1955 wa ka Necessary Provisions of Liquefied Petroleum Gas (Regulation of supply and distribution) Order 2000.

Da kyntu u leh ia ki paidbah wow pyntip ki cha ki bor pynlai District lada chem næ yoo ki ia kiwon kiwon ki  tre dukan, restaurant næ ki hotel kiwa pynemkam da ka cylinder gas kawa 14.2 kg.

Share this:
Share on Facebook0Tweet about this on TwitterGoogle+0
Advertisement ad1