Advertisement ad1

Jowai: Ka sngi 22 tarik ye ko u man ka sngi wow sah khana parom teiñ la pateiñ ha ka Dorbar chnong Khanduli neibhah ka sien nyngkong wa pynman daka election wow jied ya u Waheh Chnong heiwa ki khon ka chnong da mih yonglang ki hei wow jied (vote) ya u Waheh Chnong yongka u wow kreh neibynta chi snem.

Ha kani ka yakhun da em 3 ngut ki kyrtong kiwa kynthup ia u Mollin Ramut, u Lowis Talang wa u Kyrmen Lyngdoh.

Advertisement ad1

I thap ya ki vote man ko lyngba ka Ballot Paper nadooh ka por wa sdang 9:00 waje i step wow pyntikna wow lai bait lai ryntih kani ka thap vote wow jied Waheh Chnong heiwa da em lang u Acting Dolloi ka elaka Nongjngi u Trospol Samati chirup wa kiwa kreh ka elaka kamjooh leh kiwa kreh yongka JHADC wa kynthup ya ki sahep wa kiwi kiwi.

Waroh ka vote wow jied ya u Waheh Chnong ha kani ka chnong da em ki 912 tangwa da poi won du 693 ngut.

Hadien wa kut i por wei manda ñiaw ya ki vote wa thap ki paidbah da chem kamni hawah:

Mollin Ramut –  486

Lowis Talang –  202

Kyrmen Lyngdoh – 4

Rejected-1

Hadien ini da rai jop noh ya u Mollin Ramut wow man u kam u waheh chnong ka Khanduli.

Share this:
Share on Facebook0Tweet about this on TwitterGoogle+0
Advertisement ad1