15 49.0138 8.38624 1 1 4000 1 http://wyrta.com 300

Da ka Great Escape Cultural & Music Festival wa ar sngi u pynman ka Chnong Namdong-A

0 Comments

Jowai: Ka Chnong Namdong-A wa ka INAMORATO, Jaiñtia Film daw pynman ki ya ka tamasa Chaad wei Rwai Tynre hei por sngi, wa ka tem ka put wa ki DJ won heipor miet ha ka Chnong Namdong-A ha ka 19 wa 20 tarik uni u bnai, hajrong ka yurim wow pynneh pynsah wow pyn khai im ya ka Riti Dustur yong ka jaitbru kamjooh leh wow pynku ya ka kaam uiñke suwari ha ka thaiñ Thadlaskein Block.

Kani ka tamasa man ko leh kam chibynta wow yarap pynku ya ka sap ka phong ki khynroo khyllood wei da kyrchaan tylli tylla ya ka da uwi na ki bru pawkhmat uwa em ka thong wow pynku wow pynim ya ka Riti Dustur u Wonder Shullai.

Ya ki paidbah wa wan cha kani ka Festival da pynkhreh ya ki thaw sah da ki Camping Site kamjooh ki Homestay deiwa ye u sah ha ki yung ki bru ka chnong wa da pynkhreh kyrpang.

Ha kani ka thaiñ em chiboon ki kchaaid wa yoosuk hadooh kattæ kattæ, kawi na kini ki kchaaid hadien wada noh ko, chna ko ya ka dur yong ka Map India, em leh chiboon ki thwai wa hoi u yimpa wei em leh ki thaw chong lieñ.

Hawa yaklam wa u Director yong ka Film INAMORATO u Jimmy Raul Kharmuti da ong u wa ya kani ka Festival da pynkhreh kyrpang ya waroh kiwa wan cha kani ka tamasa yow yoh ki u kmen u sñiawbha kamjooh leh u yoh ki u sakhi ya i miat ki thaw ki bhaw, ki khloo ki kjam, ki kchaaid wa boon wa em ha kani ka thaiñ kamjooh da em leh ki thaw baamdoh wa ki thaw khyndehke ya ki khynnah wow pyn ka-it yei mynsien yong ki.

Kamtæ da khut sñiawbha ya waroh ki khon ka ri-loom Jaiñtia wow wan sakhi ya kani ka tamasa heiwa ka bai psiah leh da booh hei dor wa waroh ye ki u wan cha kani ka tamasa.

Neiliang yong ka chnong leh u Dawan Lyngdoh da ong u wa da pynkhreh bha ki wa kiwa wan cha kani ka tamasa yow suk u chngaiñ ki hawa em ki ha kini ki arsngi.

Advertisement ad1

Daw pynman ya ka esikai wa chi sngi hajrong ka....

Previous

Dawa ka Maitshaphrang wow sdang pynkrehkaam no....

Next

0 Comments

Leave a Reply