15 49.0138 8.38624 1 1 4000 1 http://wyrta.com 300

Da ka lehke wa tbian pynsñiawthooh ka Niamtre Committee ka Loompyrdi Iongpiah ya ka Lehniam Bia

0 Comments

Jowai: Ka Niamtre Committee yong ka Dorbar Chnong Loompyrdi Iongpiah man ko kawi na ki tnat krehkaam ka Dorbar Chnong, kawa pait wa yoo ya ka niam ka rukom ka dustur ka riti yow pynneh pynsah ya ka kamwa da yah da kiwa rim wa jah.

Kani ka Committee lyngba yong ka Dorbar Sikai Niamtre man ka Sngi Bibar heipor 4:00 waje i janmiet, da pynman ya ka esikai ya ki khon ka chnong yow tip ki ya ka Niam ki rukom wei wow em i kitkhlieh yong u Kñi u Pa ka Kchu ka Siang jar jiar ki manyung yong ki.

Kamtæ hajrong kini waroh ka Committee ynne ka 22 tarik da pynman ko ya ka Short Play namo ka lehke wa tbian hei yatoh waka niam chongkha chongman namo ka Niam yong i bia i khap.

I pynman ya kani ka lehke hajrong kani ka phang, toh wow pynyoo ya ki khon ka chnong wa kammon lai ki sarin hawa pyndep ya ka niam bia weiwa kiyi de ki tiar wow pynemkaam ha kani ka niam kamjooh kayi ka yutang kawa pynyeiñ hakhmat u Bru hakhmat U Blai da katae ka ñia niam.

Lyngba kani, deiwa yoh u yoo daki khmat pynsuk ko ya ki khon ka chnong næ ki khon ka Niamtre wow tip wei wow kynmoo kammon u pyndep ya ka niam Bia, neibhah toh ka niam kawa ar ha rta pyrthai yong uwi pa uwi næ kawi pa kawi ka wow pyndep.

Da leh yeini khnang wow ye u pynsñiawthooh ya ka niam chongkha chongman kawa man kawa kongsan bha wei emkaam wow pyndep ya ka wei khlem da wyrchaw yei yoh i dooh tangwa emkaam wow man ko kawa lai bait lai ryntih.

Ki kaam pyrchah aiñ ha kylleiñ ka jylla

Previous

Da pynkylla yei rukom man u WhatsApp hapoh ri ....

Next

0 Comments

Leave a Reply