Advertisement ad1

Shillong: Ka tnat Mining & Geology ynne ka sngi da pynman ko ya ka yalang wa ki tre mooyong wa kiwa khih mooyong heiwa da pyrkhat wa kammon u ye biang u tih ya uni u mar pohkhyndaw hadien wa da chah khang ha ka NGT.

Ha kani ka yalang da pynche hajrong ka aiñ Mines and Minerals (Development & Regulation) Act 1957, kawa kreh chirrup wa ki kyndon ka Coal (Nationalisation) Act 1973, khnang wow yoh biang u tih mooyong lada ki tre thaw ebor ki ya ka Meghalaya Mineral Development Corporation Ltd wow man ko kam kawa tih ya uni u mar pohkhyndaw.

Advertisement ad1

I thmu neibynta ini da pynsñiaw ha ka yalang yong kiwa khayi mooyoong, ki tre paar wa da khut da ka tnat Mining and Geology ka sorkar jylla ynne ka sngi ha State Convention Centre.

Neiliang ka sorkar kawa yahkhmat da u Montri Rangbah u Dr. Mukul Sangma, da pynche wa ye biang u chah u tih ya uni u mar pohkhyndaw lada chah ki tre paar wei u soi soskular ki wow ebor ya ka Meghalaya Mineral Development Corporation Ltd wow tih ya uni u mar.

U Mukul da ong u wa lada ki tre paar mooyong ebor ki, daw haap ki u yasoi soskular wa ka Meghalaya Mineral Development Corporation Ltd., wei daw phah tyrwa neibynta ini cha ka Ministry of Coal wow e license ko ya ka dan kawa daw khrong ko wei kammon u yabhah wa ki tre paar. Ka MMDC leh ye ko u e contract cha ki paidbah wow tih ya u mooyong.

Da ong u leh wa ka Meghalaya Mineral Development Corporation Limited (MMDC Ltd.), toh ka karkhana yong ka sorkar jylla kawa ye u leh yeini khnang wow yoh biang u tih ya uni u mar pohkhyndaw.

I thmu ka sorkar toh wow pyllait yei khang tih mooyong ka NGT kawa da leh nadooh ka 17.04.2014.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1