Advertisement ad1

Jowai: Ka seiñ SURE da pynman ko ya ka National Youth Day Program ha chnong Sohmynting Dongwah hei ya krehlang waka N.Y.K Nehru Yuva Kendra Sangathan West Jaiñtia Hills District.

Ya kani ka Program da sdang nadooh ka 12 tarik wei u pynkut ha ka 19 tarik uni u bnai.

Advertisement ad1

U President ka SURE u Kiki Pakma, da pyntip u wa ka SURE toh ka Faith Based Organisation, namo ka seiñ wa em tre ha ka niam wei da leh ko chiboon ki kaam khamtam ya ki warep cha nongkyndong, da pyntip u leh wa hadooh katni ka NABARD da booh ko ya iwi i dukan ha Iawmusiang kawa e laad ya ki SHG waphær waphær u booh ya ki mar yong ki wow pynlai yaaw.

Neiliang u Secretary Youth Club Sohmynting dongwah, u Lynruki Phawa da pynsniaw u ya i sniawngooh ya ka SURE wa ya ka NYK kiwa da wanrah ya kani ka Program ha chnong yong ki wei da kyrpaad u ya ki dkhot ka Youth Club ka Sohmynting dongwah deilang wa ki para chnong para thaw wow krehlang ki ha kani ka Program ha ki yalehke wa boonjait nadooh ka 15 hadooh ka 19 tarik.

Ha kani ka yalang da yoh i klam naka Pasqualina Lamare kawa man ka District Youth Coordinator na ka NYK heiwa da pyntip ko wa ye u yarap ha kiwa boon ki liang neibynta ki khynroo khyllood deiwa chna ya ki Youth Club kamjooh wow pynku ya ki khynroo khyllood ha ka imlang ka sahlang waroh kawi.

Ka kongsan ha kani ka sngi ka Echwamidaka Laloo kawa man ka Veterinary Officer, hei klam yong ka da e mynsien ko ya ki khynroo khyllood wow chimbynta ki ha kam kini ki Program yow ye ki u seiñ khih seiñ khan pyn da i yong ki hi. Da pynsñiaw ko leh chaphang i rukom im wa i kreh u Swami Vivekananda heiwa da leh u chiboon ki kaam ha i rukom im​ yong oo uwa pynwan dur ya ka mynried ki khynroo khyllood wei da leh u chiboon wow seiñ ya kawi ka skur neibynta ki khynroo khyllood kawa e pyrtuid u Ram Krishna wei hadooh katni da mih saka thaw e dawai ka Ram Krishna Mission.

Ka Laloo da kyntu ko leh ya waroh ki khynroo khyllood wow kreh ki neibynta wow wanrah ya ka roi ka paar hapoh ka chnong.

Advertisement ad1
Advertisement ad1