15 49.0138 8.38624 1 1 4000 1 http://wyrta.com 300

Da ka Ustad Bismillah Khan Yuva Puraskar pynkup burom u lat ya ki 32 ngut ynne ka sngi

0 Comments

Shillong: U Lat ka jylla, u Tathagata Roy ynne da saam u ya ka Ustad Bismillah Khan Yuva Puraskar 2017 ha ka yalang wa pynman ha U Soso Tham Auditorium, Shillong.

Ya kani ka Award da saam ha ka Festival of Music, Dance and Drama kawa pynman da ka Sangeet Natak Akademi, New Delhi hei yakrehlang wa ka Directorate of Arts and Culture, Government of Meghalaya heiwa da pynkup burom hadooh 32 ngut ki bru samen kiwa chemphang ha ka put ka tem, i chaad wa i lehke drama.

U Tathagata Roy hawa e i klam da e khublei u ya kiwa chah pynkup burom deiwa ong wa kani ka lehkmen pynyoo ko yei yatylli ki paidbah ka ri. Da ong u wa 60% kiwa chong hapoh ka ri toh kiwa dang hapoh 35 snem i rta wei ka India man ko ka ri kawa dang khynroo.

Da kyrmen u leh wa kiwa chah pynkup burom ynne ka sngi u man ki kam ki nongmuna ya kini ki khynroo wow kreh chiton ki wow poi ha ka thong yong i jop.

Da e khublei u leh ya ka Sangeet Natak Akademi kawa kreh hajrong kani ka phang ha kylleiñ ka ri.

U Chairman ka Sangeet Natak Academy, u Shekhar Sen, ka Director of Arts and Culture, Meghalaya ka M. War Nongbri, wa kiwi kiwi da emlang ki ha kani ka sngi.

Hadien ini da pynwyrngia ya ka yalang da kiwa chah pynkup burom wa kynthup ya u Sawani Shende – Hindustani Vocal Music, Prasanna Venkatraman- Carnatic Vocal Music,  Trivandrum N. Sampath wa tem Violin, Rimpa Siva – Hindustani Instrumental Music (Tabla), Bhavana Reddy – Kuchipudi wa Vidha Lala – Kathak.

Kani man ko ka lympung wa 5 sngi wa wan chimbynta da ki bru na kylleiñ ka ri ka wow kut hadooh ka 18 tarik uni u bnai.

Advertisement ad1

Beiñ ka JSU-JC yei chah kyrriah kaam u Vivek S....

Previous

Lai paidbah ki LGBTQ da ka Pride Walk hadien w....

Next

0 Comments

Leave a Reply