15 49.0138 8.38624 1 1 4000 1 http://wyrta.com 300

Da ka Youth Parliament pynman ka IKLTSS ha San Chnong Secondary School

0 Comments

Jowai: Ka ‘Ia Ksoh kti Lang Tuberkmai Shnong Society’ (IKLTSS) hei ya krehlang wa ka Nehru Yuva Kendra Jowai da pynman ko ya ka yalang pynsñiawthooh paidbah hajrong ka phang i chongkha khynnah, kyrni ha ka kiad wa ki laad lai puræ wa ki jait kaam wa ye ki u kreh kawa man kam chibynta ka Block Level Youth Parliament Programme wa pynman ha ka 5 tarik uni u bnai ha San Chnong Secondary School.

Ha kani ka Youth Parliament da chimbynta ar tylli ki skur heiwa waroh da em 120 ngut kiwa chimbynta kawa pylai da u President ka seiñg u Nibalawan Ryngkhlem wei da yoh ya ki kyntien pdiang burom na u Headmaster yong kani ka skur u Raymond Kmenlang Dkhar.

Advertisement ad1
Advertisement ad1
Advertisement ad1

Ha kani ka sngi ka A. Dkhar kawa man kam ka Counsellor da man ko kam ka bru chemphang kawa da batai bha yei ktah i chongkha dang khynnah deiwa ong wa ym dam u mih ki yamai yatim hapoh ka yung ka sem manda yoh kurim smat ki khon wei daw ktah ko leh yei maya ki bei ki pa ya ki khon wei ka puræ puthi leh ym yoh de ki da kawa biang.

Na i chongkha khynnah daw ye ko u yah cheiwa sdang dih kiad, drugs wei em kiwa poi leh wow yoh ya u khniang HIV neidaw kiwa chi kurim ym jooh dam u yalait san chyieñ. Ka A. Dkhar da ong ko leh wa i toh u yait i nei yalang chan hawa dang khian rta yow lait na kini waroh.

Heiyatoh won waka Career Guidance u Heipor Uni Bang uwa man kam u Principal yong ka skur ‘K.B Memorial Secondary School ’ da ong u wa i toh u em i ka thon hawa im i khamtam ki khynnah skur yow em ka luti ka wow jied u lai wei lada ym em ka thong da man ko kam ki sim wym em thawanær.

Da ong u wa katni man ko ka por wa dooh khih dooh kreh kawa joor neibhah wa kiwa boon ki kaam toh kiwa da dap chwa kamtæ toh u pait i cha ki laiñ puræ waphær waphær kiwa dang duna wa puræ khnang yow suk u yoh kreh.

Ha kawa kut da saam u ya ki kot lakdop chaphang wow jied yaki laiñ puræ waphær waphær.

Advertisement ad1

Na Phramer kem ki pulit ya u dkhot ka NSCN (K)....

Previous

Da pynhaap pyrda ya ka yakob yalehke ka TKSCSC....

Next

0 Comments

Leave a Reply