15 49.0138 8.38624 1 1 4000 1 http://wyrta.com 300

Da khylliap lama noh ka PDF Mawhati Zonal Committee

0 Comments

Shillong: Hadien i chah beh seiñ chisnem ha ka party People’s Democratic Front (PDF), u MDC ka Mawhati, u James Sylliang da khut u ya ka yalang yong ka PDF Mawhati Zonal Committee wow pyrkhat ya ka luti wow lai khamtam wow pynkhreh ya ka Election MDC 2019.

Ha kani ka yalang kawa pynman ynnin ka sngi ha yung sah yong u MDC kawa em ha Mawlai da chim ya ka rai wa ya ka PDF Mawhati Zonal Committee u khylliap noh nadooh ynnin ka sngi wei ym em de ki dkhot PDF ha Mawhati Constituency.

Advertisement ad1

Hawa yaklam hadien wa da kut ka yalang, u James Sylliang da ong u ini i pyndooh noh ya ka PDF ha Mawhati toh hajrong ka yurim wa ka PDF toh ka party yong uwi donhi u bru u Pynshngain N Syiem uwa man leh heijooh i por kam u CEM ka KHADC.

Da ong u i chah beh seiñ yong oo chisnem khlem iwon iwon i pyntip namo i phah notice toh i leh bor yong uwi u bru.

U Sylliang da ong u wa ka PDF da beh seiñ ko ya oo chi por deiwa e daw wa klam pyrchah u ya ka party wei oo da ong u wa klam u pyrchah yei leh embor yong u CEM ka KHADC ym toh ya ka party, wei da kylli u leh ynnu klam pyrchah u ya ka party wei ini da pynyoo ko wa ka party toh yong u bru samen u PN Syiem.

U MDC da ong u leh i beh seiñ ka PDF ya oo chisnem pynyoo wa ka Party daw pyndooh ticket ki oo ha kani ka election MDC 2019 wei da man ko leh ka daw wow mih noh u naka party.

Ha kawi tawan ka liang, u Sylliang da ong u wa hadooh katni ym pu em rai u wow lai psiah cha kawon kawon ka party wei daw chong yalang biang chwa wow chim ya ka rai.

Da ong u wa kattu u man noh u kam u MDC wa samen wei u chong u ha ka liang pyrchah ka KHADC wei ha ka dorbar wa daw man ka Council daw wanrah u ya ka No Confidence Motion pyrchah ya u CEM deiwa kyrchaan ka liang pyrshah na ka Congress wa 4 ngut ki MLA wa kiwi ki MDC kiwa pyrchah ya u CEM.

Yaroh u HS Shylla ya ka sorkar MDA heiyatoh wa....

Previous

Da pyndur wa khih u khmi ha Little Flower Engl....

Next

0 Comments

Leave a Reply