Jowai : Ynnin ka 13 tarik ki wa ngeit ya ka niam Katholic hapoh ka Jowai Parish da wan ki na kylleiñ ka distrik wow chimbynta ha ka Annual Holy Eucharistic Procession ka wa da pynan ha madan Marian Hills, Jowai.

Da sdang ya ka lehniam da i kñia Mass wa khooid hei por 10 waje i step heiwa da pynher leh ya ka lama kam ka dak leh burom ya uni u snem wa da tip kam u “Year of Mercy” namo u snem yong ya maap kylliang. Ka phang wa da jied da u u Pope Francis wa da pynbood da waroh ki balang katholik ha pyrthai nadooh ka 8 Kmaichonglad (Decmeber) yong u snem wa dep.

U Rev. Fr. H. Lamare hei klam sneiñ kyntu yong oo da pynkymo u ya ki para wa ngeit yow bood ki ya i tai i nuksa wa da pynyoo luti u Pope yow man ki ki bru wa ye u map ya i bakla kiwi kamjooh u pynthymme ki yei kular yong ki kam ki kristan wa u Blai kamjooh leh ym hoi u mylliñ ki yei ktien u Blai hei rta yong ki.

Kamwa 40 ngut ki khynnah yong ka parish da yoh ki leh u maad ya ka Holy Communion wa nyngkong ha kani ka sngi.

Ka lai paidbah namo ka Eucharist Procession da sdang ko nadooh i por 1:30 Nochariñsngi na madan Marain Hill wei da lai lyngba ki na Kynrooh Saphlang, Yawmusiang, Tpep-Pale, Dulong, Yongpiah wa Pohskur chwa u poi biang ki cha ka Madan Marian Hill heiwa da pynkut ya.

Share this:
Share on Facebook0Tweet about this on TwitterGoogle+0
Advertisement ad1