15 49.0138 8.38624 1 1 4000 1 http://wyrta.com 300

Da ki IEC programne pynman ka NHM hajrong i yoh khon dang khian rta ha ri-loom Garo

0 Comments
Advertisement ad1
Advertisement ad1

Tura: Ka National Health Mission, Meghalaya State da sdang ko ya ka programme wa kyrpang wow pynsñiawthooh paidbah hajrong i yohkhon dang khynnah wei i emkaam wow kha khon ha ki thaw sumaar, ya ini da leh ki road show, street play, wa kiwi kiwi ha kylleiñ ka ri loom Garo.

Ha kani ka chi tayaw wa dadep da pynman ya ki Road Show wa ki programm ha ki chnong wa boon, khamtam ha ki sngi yaaw kam ha North, South, West, South West wa East Garo Hills. Kani toh chibynta yong ka Information, Education and Communication (IEC) programme, da leh yeini deiwa mang ya ki paidbah wei da pynman ya ka yakob kylli yutip, yakob chaad wa kiwi kiwi.

Advertisement ad1

Lyngba ki Street Play, da pynsñiawthooh chaphang i punkhon dang khynnah namo Teenage Pregnancy, wei i emkaam wow kha khon ha ki thaw sumaar namo Institutional Delivery.

Ka National Health Mission da sdang ko ya ka IEC toh hadien wa ka Meghalaya em ko chiboon kiwa yoh khon dang khian rta hawa wyrchaw wa kiwi ki jylla ka ri.

Kiwa kreh ka tnat i chait i khiah wa kiwa lehke drama da yaleh ki wow pynsñiawthooh paidbah yeini cha waroh kiwa chong chnong.

Ki paidbah ha ki thaaiñ nongkyndong da ong ki wa i daw wa kongsan tam wa boon kiwa yoh khon dang khian rta toh neidaw wa duna ware i pynsñiawthooh paidbah ya ki.

“I dap i sei sñiawkmen wa ka sorkar wan pynche ko ya i hajrong kani ka phang neibhah wa man ko ka rynsaan wa ki khynnah khynroo khyllood yohlaad ki wow pynyoo yei sap ki wei wow pynsñiawthooh ya ki paidbah hajrong kani ka phang,” da ong u Augustine Marak, uwi na ki waheh wa sakhi ua ka IEC na Bajengdoba, North Garo Hills ynnin ka sngi.

Ka Sweety Sangma, ka khynnah Class X, kawa da chimbynta ha ka yakob chaad da ong ko, “Nga wan chimbynta O ha ka yakob chaad wei khyrngiat O hawa yoo wa em ki yalehke wa ha rukom wei da tip i leh ya i rta wa miat tam wow chong kurim.”

U Morgan Momin, u dkhot ka Dimapara Youth Club, uwa da skhi ya ka IEC ha Dimapara, South Garo Hills da ong u, “kam kini ki programme wow ebor ko ya ki khynroo khyllood wei ka sorkar leh da leh ko yeiwa bha wa miat tam ha ka imlang sahlang”.

Hapoh Garo Hills, ki programme hapoh ka IEC da sdang ko nadooh 2 tarik uni u bnai hadooh 16 tarik heiwa daw leh ya ki jooh ki kaam ha Jengjal, Rimrangpara, Dimapara, Songsak wa Bajengdoba.

Da seiñ ya ka FAWJH wow pynku ya ka yalehke Fu....

Previous

Chah kem uwi u chipai BSF uwa thmu wow thombor....

Next

0 Comments

Leave a Reply