Da ki kymmor saam ka JSM-ER cha ki manyung wa dooh ha Sahsniang

Jowai: Ynne ka sngi ka seiñ JSM-ER da pyndep ko ya ka yalang saam kymmor cha ki manyung wa dooh wa em ha chnong Sahsniang West Jaiñtia Hills District.

Ya kani ka yalang da pynlai da u Public Secretary yong ka Central Body ka seiñ, u Skhem Dkhar.

Da yoh ya ki kyntien pdiang burom ya ki dkhot ka seiñ JSM na u Waheh Chnong ka Sahsniang u B. Sten.

Da yoh i klam wa tbian na u S. Dkhar uwa ong wa yeini i e sñiawbha ka seiñ toh wa ka chynna jngai ko wei ka chnong dang sahdien bha ko.

U President ka JSM-ER, u Shnalad Rymbai da ong u wa ini i e sñiawbha toh i sdang ka seiñ ya ka luti wa maya ya ka jaitbru.

Neiliang u General Secretary ka JSM Central Body, u D. Lamare da e u i klam kyrpang heiwa da kyrpaad u ya ka chnong wymhoi u khang ya ki khon ka chnong kiwa kwah wow kreh neibynta ka jaitbru.

Chooh chooh da ong u wa ka chnong em ko ha khappood wei chem ki chiboon i eh i khoo kamtæ ki khon ka chnong ye ki wow e i chakri ya ka chnong. Da pynrap u leh deiwa ong wa ymtoh u sñiawthooh bakla ki, wei ka seiñ em ko i sñiawkhia ya ki.

Ha kani ka sngi da emlang ki dkhot ka Women Wing Lumshnong Unit kamjioh ka president yong ka ka Lila Siangshai wa ki dkhot yong ka.

Advertisement