15 49.0138 8.38624 1 1 4000 1 http://wyrta.com 300 0
Advertisement ad1

Da kynmoo ya ka sngi wa kyrpang kiwa yah kari ha Jowai

0 Comments

Jowai: Ka seiñ kiwa yah kari kamai hapoh ka jylla ynne ka sngi da kynmoo burom ki yaka sngi wa kyrpang yong ki ha Jowai kawa tip kam ka 4th Driver’s Day Celebration, wada pynlai daka West Jaiñtia Hills Taxi Owner’s & Driver’s Association (WJHTODA) ha Chutwakhu Indoor Sports Hall Cum Auditorium.

“Ya kani ka sngi kyrpang kiwa yah kari da booh ha kani ka sngi toh hadien wa em i jia wa pynkhyrngiat wei pynsyier mynsien ya kiwa yah kari haka 11 tarik u Thohlakhmi (Feb) 2016, heiwa u Jeskalur Lyngdoh wa yah yaka kari kamai “Maxx” da chah kem u wei chah pynngat haka kyndon thmu pynyap bru du neidaw wa ya tyngkhooh u waka kari u Dr. Mukul Sangma montri rangbah warim ka sorkar jylla ha 3 Mer Upper Shillong”. Ong u Wandonbok Jyrwa, President East Khasi Hills Taxi Association.

U kongsan yong kani ka sngi u P. Syiem Additional SP, West Jaiñtia Hills, hawa e yei klam ong u, “Kam kiwa yah kari kiwa ksoh ya u Steering toh u man kiwa yah em akor, neibhah yaka kari da thied deiwa kamai lyngba i hok, næ em kiwa da thied da ki bei ki pa, kamtæ toh u sumar bha yaka, nalor wa hap leh u pyrkhat yei mynsien yong i hi kamjooh yong kiwi tawan wa ya chonglang khnang yow lait na iwon iwon i jia wa sñiawsih.”

“Kynmoo, chisien wada mih na yung em kiwa yooluti wow poi biang, kynthup nadooh kiwa ha yung ha sem kiwa maya saya ki lok wa kiwi.” Ong chooh chooh u P. Syiem.

Kamtæ kyntu u kam kiwa yah kari nadooh kiwa yah kari kamai, yah kari samen hadooh kiwa yah kari sorkar wow man ki kiwa em akor, hei wow yah dei sñiawthooh, natlor wow kynmoo leh ya ki aiñ ki kyndon.

U Rev. H.H. Mohrmen ong u, kiwa yah kari kamai toh u sñiawthooh ki waki leh em ki haka bynta chakri paidbah wei man ki kiwa kongsan bha. Wym man ki du kam kiwa psa ja hei yung i sem yong ki, tangwa man haroh ki kam kiwa pynku yei yoh i kamai haka ri ka jylla, nalor wa ye leh u ong yaki kam kiwa rah ktien haka ri neibhah boonsien hi ki bru wa nabaar hawa poi ki chei thaw i thaaiñ yong ki nyngkong dooh u kylli yumut chwa ki naki wa yah kari.

Neitæ ong haroh u wa kiwa yah kari man ki kam ka dur yong ka imlang sahlang wei ki yasyriem haroh ki kam u Doctor wa sumaar bru, wa hachwa wow sumaar bru wa kjut u, hap u wow bahkhlieh yei mynsien u bru wa kjut, kamjooh kiwa yah kari leh chisien wada kit bru ki hap ki wow em i kitkhlieh yei mynsien yong ki.

Neiliang u DTO ka West Jaiñtia Hills u R. Tariang won da pynche u kattu katni heiyatoh wa ki License yah kari, ki kyndon krehkam ka yung krehkaam yong oo kamjooh leh yei hok wa kam kiwa yah kari ye ki u yakhun lada chem ki iwon iwon i chah yoobeiñ.

Kiwi won wa klam kynthup ki ya u President, Secretary ka seiñ kiwa yah kari na Nongstoiñ, Shillong, Jowai natlor kiwa haap hapoh ka seiñ kiwa kamai Sumo, Indica wa kiwi.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply