15 49.0138 8.38624 1 1 4000 1 http://wyrta.com 300 0
Advertisement ad1

Da lehkmen yei dap 5 snem ka RKSK kawa kyrpang ya i heh i san kiwa dang khai khynroo

0 Comments

Jowai: Kam chibynta yong ka lyngkhooh dap snem wa 5 yong ka RKSK hapoh Meghalaya ka yung krehkaam District Medical and Health Officer, West Jaiñtia Hills District ynne ka sngi da pynman ko ya ka Free Health Screening Camp neibynta kiwa hapyrdi 10 hadooh 19 snem i rta. 

Da pynman leh ya ka pynche paidbah hajrong ka Non-Communicable Disease namo ki kjut ki wym poor hajrong ka phang “The Future is here, Act Now” ha Kiang Nangbah Stadium, Ladthadlaboh.

Ka thong yong kani ka programme toh wow pynche hajrong ka Non-Communicable Disease (NCD) hapyrdi ki khynroo khyllood wa ki kjut kam ki sngaid, Cancer, Diabetes, Hypertension wa kiwi kiwi ki wym bi para bru wei mih ki nei rukom im rukom myllien ki bru.  

Kam wow pynkynmoo heini, ka Rashtriya Kishor Swasthya Karyakram (RKSK) toh kawa sdang da ka Ministry of Health & Family Welfare ha u 2014 wei da pynkrehkaam ya ka ha ka District nadooh u 2015 khamtam ha Amlarem, Laskein wa Thadlaskein C&RD Block heiwa da em ki Block Counsellors hapoh ki District Level.

Ki kaam wow pynche paidbah ya kani ka scheme toh kam ki lehke drama, ki lympung football, ya kiwa da chimbynta da kiwa na Amlarem, Laskein, Thadlaskein Block kamjooh ka chnong Jowai.

Ka yakhun final da man ko hapyrdi ka Laskein wa Thadlaskein heiwa ka Laskein da jop ko da 1-0. 

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply