15 49.0138 8.38624 1 0 4000 1 https://wyrta.com 300 0

Da lehwarom ya ka National Deworming Day ha Khliehriat

0 Comments
Advertisement ad1

Khliehriat : Ka National Deworming Day da wai ya ka ynne ha Khliehriat Presbyterian High Secondary School, East Jaiñtia Hills District, Khliehriat hei emlang ka District Medical & Health Officer Dr. J. Lakiang, wa ki Medical Health Officer I/C Khliehriat CHC Dr. N.P. Suchiang, u Deputy Commissioner ka District  F. M. Dopth da man u kam u kongsan, hei emlang ki Medical Staffs, u Vice Principal, kiwa sikai wa ki khynnah. 

Ka Dr. N.P. Suchiang hawa e yei klam da ong ko wa kani ka sngi da leh ya ka ar sien chi snem ha u Naitung wa u Naichiphaw hei wow e dawai wieh ya ki khynnah kiwa hapyrdi 1-19 snem wow yada na ki khniang kjut kiwa em ha ki khyndaw, ki um wa ki baam. 

Advertisement ad1

Da ong ko wa emkaam wow dih yei dawai Albendazole 400mg ya iwa da saam mynkna da ka sorkar cha waroh ki khynnah khnang wow ye ki wow im dei chait. Da ong ko leh wa ki khynnah wa chaneiñ 2 snem ye ki wow dih uwi u kuli katwa kiwa hapoh ar snem won ye ki wow dih chiteiñ wei uni u kuli man u uwa bha wei ye wow kjap ya oo namo deiwa tylliat chwa wow dih chirup wa ka um. 

U F.M. Doph da ong u wa ya kani ka sngi da leh ha waroh kawi ka ri wei ya ini i dawai daw e ha ki skur, ki Anganwadi Centre ki Public Health Care wa kiwi kiwi. Da kyntu u leh ya ki bei ki pa wow e ki ini i dawai ya ki khon yong ki. 

0 Comments

Leave a Reply