15 49.0138 8.38624 1 0 4000 1 https://wyrta.com 300 0
Advertisement ad1

Da poi ka lehniam Durga Puja chawa kut hajrong ka thong wow yada ya ka Myntdu

0 Comments

Jowai: Ka lehniam Durga Puja yong kiwa ngait ya ka niam Hindu da poi ko chawa kut wei ha Jowai da pynkut ya ka deiwa pynngam um ya ki blai ha ka Wah Myntdu.

Da sakhi wa ha kani ka sngi da ki spah ngut, chynrang, kynthai, khynnah wa waheh da wan sakhi ki yeini heiwa da chaad ki tymbud luti nadooh na Iawmusiang, Mission Compound, Loompyrdi Iongpiah, Panaliar, hadooh wa poi ha i thaw pynngam um ya ki blai ha Treriat, harood ka wah Myntdu.

Manda poi ha i thaw pynngam kiwa kitkaam ka Sarbajanin Durga Puja Committee, Jowai da pynngam ki ya kini ki Blai ha ka wah wei hatre ka wah da seh da ki chken wa kdoh jaar khnang wa kini ki jaar u ye u kah ki ya ki syntu ki that wa kai hadien wa da pynngam khnang wa ka Wah Myntdu u man ko kawa khooid.

Ya kini ki blai daw kyrriah ya ki na ka wah mynstep ka sngi.

Ha kani ka sngi ya ini i pynngam um da wan sakhi leh da u SP ka District, u Lakador Syiem, ka Asst. DC ka District, ka R.S. Manner, wa kiwi kiwi.

0 Comments

Leave a Reply