15 49.0138 8.38624 1 1 4000 1 http://wyrta.com 300

Da pyllait paidbah ya ka kot sur rwai “Ka Bei”

0 Comments
Advertisement ad1
Advertisement ad1
Advertisement ad1

Jowai: “Lada ka ktien im ko ka jaitbru leh im ko, kamtæ emkaam wow thoh i yei ktien Pnar wei wow pynskem ya ka jaitbru kawa kyrpang yong i,” da ong u S.Q. Sumer kam u kongsan ynne ka sngi ha ka yalang wow pyllait paidbah ya ka kot sur rwai “Ka Bei” wa da thoh da ka Metilda Sumar Passah.

Ya kani ka yalang da pynman ha yung sah yong ka Metilda Sumar Passah, iwa em ha Ummuiang, Tpep-Pale, Jowai.

Kani ka kot toh kawa da pynwan dur na ka kot “Ki sur na ka ri u 7 trep” wa da thoh da ka Metilda ha u snem 1994.

Ha kani ka yalang kawa pyllai da u Patrick Lamare, da yoh i puræ ya ka parom wa tbian yong ka Metilda da ka Angel Passah, i klam na ka Mislin Chullai wa na u Dr. PM Passah uwa man leh kam u symbood kongsan.

Ha kani ka sngi da yoh leh i puræ ya i sur rwai na ka Shiandiam Passah, wa i rwai na ki ksu yong ka Metilda.

Ya kani ka yalang da pynkut da ki kyntien e khublei na u Lakhon Passah wei da yoh leh ki kyntien ngoohblai na u Parish Priest ka Balang Catholic Jowai, u Rev. Fr. Hilarious Lamare.

Ha kani ka kot da em chiboon ki sur rwai chaphang ka imlang sahlang, ka manyung mansem, ka bei rymaw, wa kiwi kiwi wei i dor kawi ka kot toh T. 120.

Da ka Walkathon pynman ka National Commission ....

Previous

Dooh ya le tylli ki mynsien ha i tyrrah kari h....

Next

0 Comments

Leave a Reply